बाबो! 'चला हवा येऊ द्या'नाही तर या मालिकेतून घराघरात पोहोचली कॉमेडी क्वीन श्रेया बुगडे, नाव वाचून व्हाल थक्क

Shreya Bugade Birthday: अप्रतिम कॉमेडीच टायमिंग आणि कलाकारांची हुबेहूब नक्कल करण्याची कला यामुळे श्रेया महाराष्ट्राला खळखळून हसवते.

'चला हवा येऊ द्या' (Chala Hawa Yeu Dya) या विनोदी कार्यक्रमात आपला अभिनय आणि व्यक्तिरेखांमुळे लोकांच्या घराघरात पोहोचलेली श्रेया बुगडे (Shreya Bugade)आपल्या डिसेंट लूकमुळे नेहमीच सोशल मीडियावर चर्चेत असते. छोट्या पडद्यावरील कॉमेडी  शोमधून अभिनेत्री श्रेया बुगडे हिने महाराष्ट्रातील तमाम प्रेक्षकांची मनं जिंकली. अप्रतिम कॉमेडीच टायमिंग आणि कलाकारांची हुबेहूब नक्कल करण्याची कला यामुळे श्रेया महाराष्ट्राला खळखळून हसवते.कॉमेडी क्वीन श्रेया बुगडे आज आपला वाढदिवस साजरा करतेय. श्रेया आज आपला 33 वा वाढदिवस साजरा करतेय. 

अनेक मालिकांमध्ये श्रेयाने व्हिलन, सेकंड लीड रोल साकारले आहे. मात्र खलनायिका रंगवणारी श्रेया विनोदी अभिनयसुद्धा तितक्याच ताकदीने साकारु शकते हे 'चला हवा येऊ द्या'च्या माध्यमातून लोकांना कळले.श्रेयाने झी मराठीवरील 'तू तिथे मी' मालिकेत मंजूषा होळकर या भूमिका साकारली होती जी प्रसिद्ध झाली होती. 

श्रेया मुळची पुण्याची आहे. बालपणापासूनच हुषार असलेली श्रेया कमी वयातच या इंडस्ट्रीत आली. बालनाट्यातून कमी वयातच तिने आपल्या अभिनयाची जादू दाखवून दिली.  शाळेचं शिक्षण पूर्ण होईपर्यंत श्रेयानं अनेक बालनाट्यात काम केलं होतं. कॉलेजला गेल्यानंतर कॉलेजसाठी काहीतरी करायचं अशा विचारातून तिनं कॉलेजच्या अनेक एकांकिका, नाट्यस्पर्धेत भाग घ्यायला सुरुवात केली. अस्मिता, माझे मन तुझे झाले, फु बाई फू या मालिकांमध्ये ती झळकली आहे. 

श्रेयाने  २७ डिसेंबर २०१५ मध्ये झाले निखिल सेठसोबत लग्नगाठ बांधली. दोघांचा प्रेमविवाह केला आहे. श्रेया आणि निखिल यांची ओळख एका मालिकेच्या चित्रीकरणादरम्यान झाली होती.