फोटोत दिसणाऱ्या 'या' चिमुकल्यांना ओळखलं का? दोन्ही भाऊ गाजवत आहेत बॉलिवूड!

या फोटोमध्ये दिसणारे हे भावंड अतिशय दमदार अभिनेते आहेत.

Childhood Photo:  बॉलिवूड स्टार्सची क्रेझ नेहमीच त्यांच्या चाहत्यांमध्ये पाहायला मिळते. चाहत्यांना नेहमीच त्यांच्या आवडत्या कलाकारांविषयी प्रत्येक गोष्ट जाणून घ्यायला आवडते. विशेष करून आपल्या आवडता कलाकार बालपणी कसा दिसायचा याबद्दल जाणून घेण्याची उत्सुकता प्रत्येक चाहत्याला असते. अशाच बॉलिवूडमधील दोन लोकप्रिय कलाकारांचा बालपणीचा फोटो सोशल मीडियावर व्हायरल झाला आहे. या फोटोमध्ये दिसणारे हे भावंड अतिशय दमदार अभिनेते आहेत.

बालपणीचा फोटो पाहून त्यांना ओळखणे थोडे कठीण आहे. तर आम्ही तुम्हाला एक हिंट देतो, ही दोन्ही आज सिनेसृष्टीत आपलं नावं गाजवत आहेत. हे दुसरे-तिसरे कोणी नाही तर आयुष्मान खुराना आणि अपारशक्ती खुराना आहेत.  नुकतंच 18 नोव्हेंबर रोजी अपारशक्ती खुरानाने आपला ३७ वा वाढदिवस साजरा केला. यादिवशी आयुष्मान खुरानाने आपल्या लाडक्या भावासाठी खास पोस्ट केली. वाढदिवसानिमित्त त्याने बालपणीचे काही सुंदर फोटो शेअर केले. त्याने कॅप्शनमध्ये लिहिले की, "फोटो भांडणाचा आहे. पण गाणे प्रेमाचे जोडलं आहे. कारण आज त्याचा वाढदिवस आहे". 

आयुष्यमान व अपारशक्ती दोघांनी आपल्या अभिनयाच्या जोरावर एक वेगळी ओळख मिळवली आहे. दोघांनीही हीट चित्रपट बॉलिवूडला दिले आहेत. अद्याप या भावांची जोडी ऑनस्क्रीनही एकत्र दिसलेली आहे. 2019 मध्ये आलेल्या 'बाला' या सिनेमात आयुष्यमान लीड रोलमध्ये होता तर अपारशक्ती कॅमिओ रोलमध्ये होता. अपारशक्ती हा अलिकडेच प्रदर्शित झालेल्या 'स्त्री 2'मध्ये झळकला होता. तर आयुष्यमानचा पुढील वर्षी रश्मिका मंदानासोबत 'थामा' हा सिनेमा रिलीज होणार आहे.