एखाद्या चित्रपटाच्या कथेसारखं ‘या’ अभिनेत्याचं कुटुंब एका रात्रीत संपलं..., वाचून बसेल धक्का

होय, ही घटना घडली त्यादिवशी या अभिनेत्याचा 20 वाढदिवस होता. त्याच्या डोळ्यांदेखत त्याचे अख्खे कुटुंब उद्धवस्त झाले होते.

ठळक मुद्देकमलचा पहिला सिनेमा फार कमाल दाखवू शकला नाही. मात्र यानंतर रिलीज झालेल्या ‘रंग’ या सिनेमाने त्याला एक नवी ओळख दिली.

होय, एखाद्या चित्रपटाची कथा असावी, त्याप्रमाणे या अभिनेत्याचे अख्खे कुटुंब एका रात्रीत संपले. वडिलांनी आई व बहिणीची गोळ्या घालून हत्या केली आणि पाठोपाठ स्वत:वरही गोळी झाडून घेत आत्महत्या केली. ही घटना घडली त्यादिवशी या अभिनेत्याचा 20 वाढदिवस होता. त्याच्या डोळ्यांदेखत त्याचे अख्खे कुटुंब उद्धवस्त झाले होते. या अभिनेत्याचे नाव आहे कमल सदाना (Kamal Sadanah).

21 ऑक्टोबर 1970 रोजी जन्मलेला कमल सदाना हा अभिनेता अनेकांच्या विस्मृतीत गेला असेल. 1992 साली ‘बेखुदी’  या चित्रपटात कमल सदाना दिसला होता. यात त्याची हिरोईन होती काजोल. होय, काजोलचा हा पहिला चित्रपट होता.  या चित्रपटानंतर काजोलने आपल्या फिल्मी करिअरमध्ये बराच मोठा पल्ला गाळला. पण या चित्रपटातील तिचा हिरो अर्थात कमल सदाना मात्र काळासोबत फिल्म इंडस्ट्रीतून गायब झाला. 

कमल सदाना आता 50 वर्षांचा झाला आहे. त्याने अभिनय सोडून अनेक वर्षे उलटली आहेत. कमलने पर्सनल लाईफमध्ये अनेक संकटांचा सामना केला. त्याचे वडिल बृज सदाना यांनी कमलच्या डोळ्यांसमोर त्याच्या आई व बहीणीची हत्या केली होती. वडिलांनी कमलवरही गोळी चालवली होती. पण या हल्ल्यातून कमल थोडक्यात बचावला होता. कमलच्या 20 व्या वाढदिवसाच्या दिवशी ही घटना घडली होती.

कमलने एका मुलाखतीत याबद्दल सांगितले होते. माझ्या आईवडिलांमध्ये सतत भांडणे व्हायची. त्यादिवशी माझा वाढदिवस होता. माझ्या 20 व्या वाढदिवसाच्या दिवशीच माझ्या वडिलांनी आधी आईवर आणि नंतर माझ्या बहिणीवर गोळ्या झाडल्या. आई बाबाचे भांडण सुरू होताच मी माझ्या रूममध्ये गेलो आणि थोड्याच वेळात मला गोळी झाडल्याचा आवाज आला. मी घाबरून बाहेर आलो तर माझी आई आणि बहीण दोघीही रक्ताच्या थारोळ्यात पडल्या होत्या. त्या दोघींचाही घटनास्थळीच मृत्यू झाला. बाबांनी माझ्यावरही गोळी झाडली. पण ती माझ्या कानाला चाटून गेली आणि मी थोडक्यात बचावलो.  नंतर माझ्या वडिलांनी स्वत:वर गोळी झाडून घेत आत्महत्या केली. हे सगळे माझ्या डोळ्यांसमोर घडले. आई व बहिणीच्या हत्येचे दृश्य अनेकवर्षे माझ्या डोळ्यांसमोर येई. मी यानंतर अनेक वर्षे डिप्रेशनमध्ये गेलो होतो. विशेष म्हणजे, वडिलांनी असे का केले, याचे उत्तर आजही कमलकडे नाही.

कमलचा पहिला सिनेमा फार कमाल दाखवू शकला नाही. मात्र यानंतर रिलीज झालेल्या ‘रंग’ या सिनेमाने त्याला एक नवी ओळख दिली. यानंतर त्याने  बाली उमर को सलाम, रॉक डान्सर, हम सब चोर है, कर्कश, व्हिक्टोरिया नंबर 203 अशा अनेक चित्रपटांत काम केले. पण ‘रंग’ सारखे यश त्याला मिळू शकले नाही. पुढे कमल छोट्या पडद्याकडे वळला. दिग्दर्शनात आला.  अ‍ॅक्टिंग सोडून मी आनंदी आहे, असे कमल अलीकडे म्हणाला होता.