कियारा अडवाणीने इंडस्ट्रीत पूर्ण केली १० वर्षे, फोटो शेअर करत म्हणाली, "सेलिब्रेशन तर..." 

'शेरशाह', 'भूलभुलैया-२'  यांसारख्या चित्रपटांमध्ये आपल्या दमदार अभिनयाने चाहत्यांची मनं जिंकणारी अभिनेत्री कियारा अडवाणी कायम चर्चेत असते.

Kiara Advani : 'शेरशाह', 'भूलभुलैया-२'  यांसारख्या चित्रपटांमध्ये आपल्या दमदार अभिनयाने चाहत्यांची मनं जिंकणारी अभिनेत्री कियारा अडवाणी कायम चर्चेत असते. अगदी कमी कालावधीत तिने बी टाऊन अभिनेत्रींच्या यादीत हक्काचं स्थान मिळवलं. नुकतीच कियाराने  हिंदी सिनेसृष्टीत आपल्या स्वप्नपूर्तीची दहा वर्षे पूर्ण केली आहेत. अशातच तिने आपल्या चाहत्यांसोबत याचं दमदार सेलिब्रेशन केलं आहे. त्याचे काही फोटोही कियाराने तिच्या अधिकृत सोशल मीडिया अकाउंटवरून शेअर केले आहेत. 

साधारण १० वर्षापूर्वी 'फुगली' या सिनेमाच्या माध्यमातून कियारा अडवाणीनेबॉलिवूडमध्ये पदार्पण केलं. पहिल्याच डेब्यू फिल्मच्या आधारे तिने आपल्या अदाकारिने प्रेक्षकांना अक्षरश: वेड लावलं. सध्याच्या घडीला अभिनेत्री एक यशस्वी नायिका म्हणून ओळखली जाते. 

कियाराने सोशल मीडियावर शेअर केलेल्या या फोटोंमध्ये तिने हिंदी सिनेसृष्टीतील प्रवासावर प्रकाश टाकला आहे. 'एम.एस. धोनी - द अनटोल्ड स्टोरी' तसेच 'कबीर सिंग,  'भूलभुलैया-२', 'कलंक, तसेच 'फुगली'  यांसारख्या चित्रपटांचे फोटो एकत्र चिकटवत तिने आपल्या आठवणी ताज्या केल्या आहेत.  

पोस्टमध्ये अभिनेत्री कियारा अडवाणीने एकापेक्षा एक फोटोज शेअर करत आपला आनंद व्यक्त केला आहे. कियाराने या पोस्टच्या कॅप्शनमध्ये लिहलंय," १० वर्षाचं सेलिब्रेशन तर बनायलाच पाहिजे". तिच्या या व्हायरल फोटोंवर नेटकऱ्यांनी लाईक्स आणि कमेंट्सचा वर्षाव केला आहे. 

या चित्रपटांमध्ये कियारा करणार काम- 

लवकरच कियारा अडवाणी स्टारर रणवीर सिंगच्या 'डॉन-३' या चित्रपटात मुख्य भूमिकेत झळकणार आहे.  त्याबरोबरच अभिनेत्री साऊथ सुपरस्टार राम चरणसोबत 'गेम चेंजर' या सिनेमात स्क्रिन शेअर करणार आहे.