"भाग अर्जुन, भाग!" राकेश रोशन यांना 'करण अर्जुन' मधील हा गाजलेला डायलॉग कसा सुचला; वाचा किस्सा

राकेश रोशन दिग्दर्शित 'करण अर्जुन' (Karaj Arjun) चित्रपट हा बॉलिवूडमधील सर्वाधिक लोकप्रियता मिळवलेला चित्रपट ठरला.

Hrithik Roshan Post: राकेश रोशन दिग्दर्शित 'करण अर्जुन' (Karaj Arjun) चित्रपट हा बॉलिवूडमधील सर्वाधिक लोकप्रियता मिळवलेला चित्रपट ठरला. आता जवळपास ३० वर्षानंतर हा चित्रपट प्रेक्षकांच्या भेटीला येत आहे. 'करण अर्जुन'मध्ये  सलमान खान, शाहरुख खान तसेच काजोल आणि राखी यांसारख्या कलाकारांची फळी पाहायला मिळाली. ११९५ साली प्रदर्शित झालेला रि-रिलीज करण्यात येणार आहे. दरम्यान, अशातच राकेश रोशन यांचा मुलगा म्हणजेच अभिनेता हृतिक रोशनने (Hrithik Roshan) या चित्रपटासंबंधित खास आठवणी शेअर केल्या आहेत. 

सोशल मीडियावर हृतिक रोशनने पोस्ट शेअर करत त्याच्या आठवणींना उजाळा दिला आहे. इन्स्टाग्रामवर पोस्ट शेअर करत त्यामध्ये अभिनेत्याने लिहलंय, "१९९२ मधल्या एकदा दुपारच्या वेळेस आम्ही सगळे पप्पांच्या  लिव्हिंग रूममध्ये बसलो होतो. तेव्हा आम्ही ‘करण अर्जुन’च्या पटकथेवर चर्चा करत होतो. त्याचदरम्यान संपूर्ण रूममध्ये शांतता होती त्यावेळी पप्पा जोरात ओरडले आणि म्हणाले मला कल्पना सूचली! मग त्यांनी आम्हाला चित्रपटातील फाईट सिक्वेन्स कसा असेल याबद्दल सांगायला सुरुवात केली, त्याबद्दल सांगत असताना त्याच क्षणी त्यांनी म्हटलं, भाग अर्जुन, भाग अर्जुन!"

पुढे अभिनेत्याने म्हटलंय, "त्यावेळी मी १७ वर्षांचा होतो आणि माझ्यासाठी तो एक पहिला “सिनेमॅटिक ” अनुभव होता! हे सगळं ऐकत असताना माझ्या अंगावर काटा आला. त्यानंतर रूममधील सगळेजण टाळ्या वाजवू लागले. तेव्हा मला वाटलं की हा सिनेमा ब्लॉकबस्टर ठरणार आहे. आता ३० वर्षांनंतर, ‘करण अर्जुन’ पुन्हा एकदा थिएटरमध्ये पाहण्यासाठी मी प्रचंड उत्सुक आहे. २२ नोव्हेंबर, २०२४ पासून हा चित्रपट पुन्हा थिएटरमध्ये पाहता येणार आहे".