500 कोटींचे बजेट! एस.एस. राजमौलीच्या पुढील चित्रपटात सलमान असणार हिरो? चर्चांना उधाण

बाहुबली चित्रपटाचे दिग्दर्शक एस.एस राजामौली यांच्या आगामी RRR चित्रपटाचे सलमान खानने प्रमोशन केले आहे.

मुंबई: बाहुबली चित्रपटाचे दिग्दर्शक एस.एस राजामौली मोठ्या प्रमाणावर त्यांच्या आगामी RRR चित्रपटाचे प्रमोशन करत आहेत. याच चित्रपटाच्या प्रमोशनसाठी आता बॉलिवूड अभिनेता सलमान खानही पुढे सरसावला. नुकतच RRR च्या प्रमोशनसाठी सलमान खान मीडियासमोर आला होता. या चित्रपटात अभिनेता अजय देवगण आणि आलिया भटदेखील आहे, ज्यामुळे RRR साठी बॉलिवूड प्रेक्षकांमध्ये खूप उत्सुकता आहे. 

सलमान आणि राजामौलींची चांगली मैत्री
सलमान खान RRR चित्रपटात नाही, पण फक्त राजामौली यांच्या मैत्रीसाठी तो या चित्रपटाचे प्रमोशन करत आहे. सलमान खानला राजामौलींचा बाहुबली खूप आवडला आणि त्यानंतर दोघे चांगले मित्र बनले. सलमान खान आणि दिग्दर्शक राजामौली यांच्या मैत्रीच्या बातम्या मीडियात आल्यापासून आता हे दोघे लवकरच एका मेगा बजेट चित्रपटात एकत्र काम करू शकतात, असा अंदाज वर्तवला जात आहे.

व्यस्थ शेड्यूलमुळे प्रोजेक्ट होल्डवर
काही मीडिया रिपोर्ट्सनुसार, सलमान खान आणि दिग्दर्शक राजामौली काही दिवसांपूर्वी एका चित्रपटाबद्दल बोलले होते. परंतु दोघांनीही त्यांच्या व्यस्त शेड्यूलमुळे हा प्रोजेक्ट सध्या स्थगित केला आहे. सलमान खान त्याच्या आगामी टायगर 3, पठाण आणि बिग बॉस 15 मध्ये व्यस्त आहे, तर राजामौली RRR रिलीज झाल्यानंतर लवकरच महेश बाबूचा पुढील चित्रपट सुरू करणार आहे.

महेश बाबूच्या चित्रपटावर काम सुरू
महेश बाबूच्या या चित्रपटाची घोषणा राजामौली यांनी फार पूर्वीच केली होती. महेश बाबू स्टारर चित्रपटाबाबत दक्षिणेत चांगलीच उत्सुकता आहे. बाहुबलीपासूनच प्रेक्षकांना राजामौली आणि महेश बाबूला एकत्र पाहण्याची इच्छा होती. आणि आता या चित्रपटातून ते शक्य होत आहे. पण, आता सलमान खान आणि राजामौली एकत्र येणार का, हे येणाऱ्या काळात कळेलच.