struggle story: एकेकाळी केलं पोस्टर चिटकवायचं काम; तोच आमिर खान आज आहे 1562 कोटींचा मालक

Aamir khan: अभिनेता आमिर खानचा समावेश आज बॉलिवूडमधील दिग्गज कलाकारांच्या यादीत केला जातो. परंतु, सुरुवातीच्या काळात त्याने बराच स्ट्रगल केला.

Aamir Khan Birthday Special:  प्रत्येक चित्रपटाची चोखंदळपणे निवड करणारा अभिनेता म्हणजे आमिर खान. वर्षातून एक किंवा दोन असे मोजकेच चित्रपट करणारा आमिर आज बॉलिवूडचा मिस्टर परफेक्शनिस्ट म्हणून ओळखला जातो. आमिरने आतापर्यंत केलेला प्रत्येक चित्रपट सुपरहिट ठरला आहे. त्यामुळे कलाविश्वात त्याचा दबदबा पाहायला मिळतो. परंतु, आपल्या नावाचा डंका वाजवणाऱ्या या अभिनेत्याने एकेकाळी बरेच कष्ट केले आहेत. अगदी रिक्षावर, बसवर त्याने चित्रपटांचे पोस्टरही चिटकवले आहेत.

अभिनेता आमिर खानचा समावेश आज बॉलिवूडमधील दिग्गज कलाकारांच्या यादीत केला जातो. परंतु, सुरुवातीच्या काळात त्याने बराच स्ट्रगल केला. कयामत से कयामत तक या सिनेमातून आमिरने कलाविश्वात पदार्पण केलं. परंतु, या चित्रपटाचे पोस्टर स्वत: आमिरने रिक्षांवर चिटकवले होते.
आमिरवर आली होती पोस्टर चिटकवायची वेळ

आमिरने 'कयामत से कयामत तक' या चित्रपटातून  बॉलिवूडमध्ये पदार्पण केलं. परंतु, या चित्रपटाचं बजेट अत्यंत कमी होतं. त्यामुळे त्याचं प्रमोशन करण्यासाठी आमिरला स्वत: त्याचे पोस्टर नागरिकांमध्ये वाटावे लागले. इतकंच नाही तर त्याने रिक्षा, बसवरही स्वत: त्याच्या हाताने पोस्टर चिटकवले होते. विशेष म्हणजे मी या सिनेमाचा हिरो आहे हे त्याला प्रत्येकाला सांगावं लागत होतं.

दरम्यान, आमिरच्या बॉलिवूड पदार्पणासाठी त्याच्या वडिलांचा प्रचंड विरोध होता. आमिरने या क्षेत्रात न येता अन्य क्षेत्राची निवड करावी अशी त्यांची इच्छा होती. मात्र, वडिलांचा विरोध झुगारुन त्याने कलाविश्वात पदार्पण केलं. विशेष म्हणजे आमिरने बॉलिवूडमध्ये एकाहून एक सुपरहिट चित्रपट दिले. त्यामुळे त्याला आपल्या चित्रपटात घेण्यासाठी अनेक निर्माते, दिग्दर्शक उत्सुक असतात. आमिरचा आज श्रीमंत सेलिब्रिटींच्या यादीत समावेश असून सूत्रांच्या माहितीनुसार, आमिरची एकूण संपत्ती१५६२ कोटी रुपये आहेत.