आमीर खानचा मस्तमौला अंदाज कॅमेऱ्यात कैद

ब�

��लिवूडचा मिस्टर परफेक्टशनिस्ट म्हणजेच अमीर खान गेल्या काही दिवसांपासून तुर्कीमध्ये होता त्याच्या आगामी चित्रपट "सिक्रेट सुपरस्टार"च्या प्रोमोशनच्या निम्मित तो तिथे गेला होता. तो जेव्हा मुंबईत परतला तेव्हा मीडियाच्या कॅमेऱ्यांनी त्याचा मस्तमौला अंदाज मुंबई एअरपोर्टवर कैद केला. अमीर खान एअरपोर्टवरून जात होता तेव्हा तो आपल्याच धुंदीत होता त्याला माहित नव्हते की मीडिया त्याचे फोटो घेत आहे, अमीर खानच्या जेव्हा हे लक्षात आले तेव्हा त्याने कॅमेराकडे स्माईल दिली आणि निघून गेला.

 
अमीर खान तुर्कीमध्ये असताना त्याने तिथे धमाल केली होती, त्याचे काही व्हिडिओ सोशलमीडियावर आमीरने शेअरसुद्धा केले होते.  ज्यात अमीर खान आईस्क्रीमच्या दुकानासमोर उभा आहे आणि आईस्क्रीम देणारा त्याला आपले आईस्क्रीम देण्याची करतब दाखवत आहे. अमीर ते बारकाईने पाहत आहे. गरब्याच्या दरम्यान आमीर अहमदाबादमध्ये होते यावेळी त्याने  गुराजती थाळीचा आनंद लुटला होता. 



अमीर खानचा हा चित्रपट "सिक्रेट सुपरस्टार" येत्या दिवाळीला म्हणजेच १९ऑक्टोबर रोजी रिलीज होत आहे. सीक्रेट सुपरस्टार या चित्रपटाची कथा एका छोट्या मुलीच्या सिंगिंग करिअरवर आधारित आहे. तिला तिचा आवाज जगासमोर पोहोचवायचा असतो; मात्र वडिलांचा विरोध असल्यामुळे तिला याकरीता लढा द्यावा लागतो. तेथूनच तिचा संघर्ष सुरू होतो. पुढे ती सुपरस्टार बनते. या छोट्या मुलीच्या भूमिकेत जायरा वसीम बघावयला मिळणार आहे. तर यात आमीर खान चित्रपटात सुपरस्टारच्या भूमिकेत असून, त्याचे नाव शक्ती असते.  अमीर खानच्या  या चित्रपटाचा समान बॉक्स ऑफिसवर अजय देवगणच्या गोलमाल अगेनशी होणार आहे. 
तर आमीर खान यांनतर  ठग्स आॅफ हिन्दोस्तानमध्ये सुद्धा दिसणार आहे. यात आमीरखान बरोबर अमिताभ बच्चन,  कॅटरिना कैफ, फातिमा सना शेख यांच्याही प्रमुख भूमिका आहेत. विजय कृष्ण आचार्य यांच्या दिग्दर्शनाअंतर्गत बनविल्या जात असलेल्या या चित्रपटाला यशराज फिल्म्स प्रोड्यूस करीत आहे. या चित्रपटाचे आणखी एक वैशिष्ट्य म्हणजे चित्रपटात आमीर खान आणि महानायक अमिताभ बच्चन पहिल्यांदाच स्क्रीन शेअर करीत आहे. या अगोदर हे दोघे एकदाही चित्रपटात झळकले नाहीत.

ALSO READ : क्रिकेटच्या मैदानानंतर अभिनयाच्या व्यासपीठावर झळकणार विराट कोहली; ‘या’ सुपरस्टारसोबत करणार काम!