​अभिषेक बच्चनला हवेत फक्त ‘मल्टिस्टारर’ चित्रपट! हे आहे कारण!!

ब�

��लिवूड अभिनेता अभिषेक बच्चन गत दोन वर्षांपासून पडद्यावर दिसलेला नाही. पण सध्या तो अनुराग कश्यप दिग्दर्शित ‘मनमर्जियां’च्या शूटींगमध्ये बिझी आहे. या चित्रपटात त्याच्यासोबत विकी कौशल आणि अभिनेत्री तापसी पन्नू महत्त्वपूर्ण भूमिकेत आहेत. म्हणजे एकार्थाने हा मल्टिस्टारर चित्रपट आहे. दलकीर सलमानने नकार दिला आणि ‘मनमर्जियां’ अभिषेक बच्चनला मिळाला.  या चित्रपटाचे शूटींग संपताच ज्युनिअर बच्चन ‘हाऊसफुल4’ या आणखी एका मल्टिस्टारर चित्रपटात दिसेल.
यात अक्षय कुमार लीड रोलमध्ये दिसेल.
होय, सूत्रांच्या मते, अभिषेकने पडद्यावर वापसी तर केलीयं. पण त्याला एकट्याने चित्रपट करायचे नाहीत. याचमुळे गेल्या दोन वर्षांत त्याने म्हणे पाच चित्रपटांच्या आॅफर्स नाकारल्या. प्रभुदेवाने अभिषेकला ‘लेफ्टी’ आॅफर केला होता. निशीकांत कामत त्याला आपल्या एका थ्रीलर चित्रपटात घेऊ इच्छित होता. याशिवाय प्रियदर्शन यांनी ‘बच्चा सिंह’, अनुराग कश्यपने ‘गुलाबजामुन’ची आॅफर अभिषेकला दिली होती. रोनी स्क्रूवाला यानेही आपला एक चित्रपट त्याला आॅफर केला होता. पण या सर्व चित्रपटांना अभिषेकने म्हणे नकार दिला. याचे कारण म्हणजे, अभिषेकला सोलो फिल्म करायची नव्हती. सोलो चित्रपट म्हटला की, त्याच्या यश-अपयशाची सर्व जबाबदारी लीड अ‍ॅक्टरची असते. चित्रपट हिट झाला तर ठीक. पण फ्लॉप झाला तर मुख्य कलाकारांच्या खात्यात तो ठळकपणे जमा होतो. आता असे झाले तर अभिषेकच्या यादीत आणखी फ्लॉपची भर पडायची. हे अभिषेकला परवडणारे नाहीच. यावरचा उपाय काय तर मल्टिस्टारर चित्रपट. म्हणजे, हाताला कामही मिळते अन् चित्रपट आपटलाचं तर ते आपल्या खात्यावर जमा होणार नाही. आता हा मल्टिस्टारर चित्रपटाचा फंडा अभिषेकला आणखी किती काळ इंडस्ट्रीत ‘जिवंत’ ठेवतो, ते बघूच. तूर्तास अभिषेकच्या ‘मनमर्जियां’ची प्रतीक्षा करूयात. 

ALSO READ : ​अभिषेक बच्चनचे चाहते असाल तर वाचा, एक आनंदाची बातमी!