‘मनमर्जियां’नंतर अभिषेक बच्चन करणार मोठा धमाका!

अभिषेक बच्चन ‘मनमर्जियां’ या चित्रपटामुळे पुन्हा एकदा चर्चेत आहे. या चित्रपटात रॉबी नामक व्यक्तिरेखा साकारणार असलेला अभिषेक गेल्या सुमारे दोन वर्षांनंतर बॉलिवूडमध्ये कमबॅक करतोय. २०१६ मध्ये ‘हाऊसफुल3’ या चित्रपटात अभिषेक अखेरचा दिसला होता. पण हा चित्रपटही बॉक्सआॅफिसवर फार कमाल दाखवू शकला नव्हता. त्यापूर्वी ‘आॅल इज वेल’ आणि ‘हॅपी न्यू ईअर’सारखे चित्रपटही अभिषेकच्या करिअरसाठी डिजास्टर ठरली होते. पण लवकरच प्रदर्शित होऊ घातलेल्या ‘मनमर्जियां’ने अभिषेकच्या करिअरची गाडी पुन्हा वेग घेईल, असे मानले जात आहे. कारण ‘मनमर्जियां’नंतरही अभिषेकच्या झोळीत आणखी तीन चित्रपट आहेत.

 डिएनएने दिलेल्या वृत्तानुसार, अनुराग बासूच्या एंथोलॉजीच्या एका कथेत अभिषेक लीड रोलमध्ये दिसणार आहे. याशिवाय अनीस बज्मी यांच्यासोबत ‘पागलपंथी’ या चित्रपटाबद्दलही त्याची चर्चा अंतिम टप्प्यात आहे. या दोन्हींशिवाय ‘गुलाबजामून’ या चित्रपटातही अभिषेक दिसणार आहे. या चित्रपटात अभिषेकसोबत ऐश्वर्या राय बच्चनची वर्णी लागल्याचीही चर्चा आहे. एकंदर काय तर हे तीन चित्रपट बघता, येत्या काळात अभिषेक कायम चर्चेत असणार आहे.
‘मनमर्जियां’च्या यशाचा सर्वाधिक लाभ अभिषेकलाचं मिळणार आहे. अनुराग कश्यप दिग्दर्शित या चित्रपटात अभिषेकशिवाय विकी कौशल आणि तापसी पन्नू लीड रोलमध्ये आाहेत. येत्या १४ सप्टेंबरला हा चित्रपट रिलीज होतोय.