​माऊंट एवरेस्टवर चढाई करणार अभिनेता अमित साध

ब�

��लिवूडमध्ये आपली ओळख निर्माण करण्याच्या प्रयत्नात असलेला अभिनेता अमित साध सध्या जगातल्या सर्वांत उंच शिखरावर चढण्याची तयारी करीत आहे. लहानपणापासून गियारोहण करण्याचे स्वप्न पाहणारा अमित आता आपले स्वप्न पूर्ण करण्याच्या दिशेने पाऊल ठेवत आहे. विशेष म्हणजे असे करणारा तो पहिला बॉलिवूड अभिनेता ठरणार आहे. 

अभिनेता अमित साध याचा तापसी पन्नू हिच्यासोबतचा रनिंग शादी हा चित्रपट नुकताच प्रदर्शित झाला. या चित्रपटाला बॉक्स आॅफिसवर फारसे यश मिळाले नसले तरी देखील त्याने या चित्रपटासाठी प्रशंसा मिळविली आहे. अमित वयाच्या सहाव्या वर्षापासून पर्वतारोहण करीत आहे. लहानपणी त्याचा बराचसा वेळ पर्वतारोहणात गेला आहे. अमित साध प्रोफेशनल गिर्यारोहक असून आता त्याने जगातील सर्वांत उंच शिखरावर चढाई करण्याची तयारी सुरू केली आहे. यासाठी त्यानी सुरुवातीचे प्रशिक्षण घेणे सुरू केले आहे. 



अभिनेता अमित साध म्हणाला, मी माऊंट एवरेस्टवर चढाई करण्यासाठी २०१९ या वर्षातील सहा महिन्यांची निवड केली आहे. या अभियानाची सुरुवात करण्यापूर्वी  मी लेह, जम्मू काश्मीरमध्ये एक महिना थांबणार आहे. २०१९ साली माऊंट एवरेस्ट सर करण्याच्या अभिनायासाठी प्रतिबध्द असलेला अमित साध बॉलिवूडमध्ये आपल्या शिस्तबद्ध जीवनशैलीसाठी ओळख निर्माण करीत आहे. बॉलिवूडमध्ये असतानाही तो आपल्या जीवनचर्येच्या काही गोष्टींना विसरत नाही.

‘काई पो छे’ या चित्रपटातून बॉलिवूडमध्ये अ‍ॅक्टिंग करीअर सुरू करणारा अमित साध याने ‘रनिंग शादी’ या चित्रपटात मुख्य भूमिका साकारली आहे. याशिवाय आगामी ‘सरकार ३’ या चित्रपटातही त्याची महत्त्वाची भूमिका आहे. बॉलिवूडचा खिलाडी अक्षय कुमार याची प्रमुख भूमिका असलेल्या गोल्ड या चित्रपटात अमित साध एका हॉकी खेळाडूच्या भूमिकेत दिसणार आहे.