हातात कोयता, भिंतींवर रक्त अन्..; 'सिंघम अगेन'नंतर टायगर श्रॉफच्या Baaghi 4 ची घोषणा, रिलीज डेटही जाहीर

टायगर श्रॉफच्या आगामी Baaghi 4 सिनेमाची जबरदस्त घोषणा करण्यात आली असून हा सिनेमा कधी रिलीज होणार, हेही सांगण्यात आलंय (

सध्या 'सिंघम अगेन' सिनेमाची खूप चर्चा आहे. अजय देवगण पुन्हा एकदा बाजीराव सिंघमच्या रुद्रावतारात पाहायला मिळतोय. या सिनेमात एकापेक्षा एक दिग्गज कलाकारांची फौज आहे. अजय देवगणसोबतच रणवीर सिंग, अक्षय कुमार, अर्जुन कपूर, करीना कपूर हे कलाकार 'सिंघम अगेन'मध्ये झळकले आहेत. या सर्व कलाकारांमध्ये अभिनेता टायगर श्रॉफही विशेष भूमिकेत प्रेक्षकांना पाहायला मिळतोय. अशातच 'सिंघम अगेन'नंतर टायगरच्या नवीन सिनेमाची घोषणा नुकतीच करण्यात आलीय.

 टायगरच्या आगामी बागी ४ ची घोषणा

टायगर श्रॉफची सुपरहिट फ्रँचायझी असलेल्या बागी सिनेमाचा चौथा भाग अर्थात Baaghi 4 ची घोषणा करण्यात आलीय. या सिनेमाचं पोस्टर लक्षवेधक आहे. पोस्टरमध्ये पाहायला मिळतं की टायगर श्रॉफ बाथरुमच्या कमोडवर बसलेला आहे. त्याच्या समोर दोन-तीन लोक मेलेली दिसून येत आहेत. टायगरच्या हातात कोयता असून दुसऱ्या हातात दारुची बाटली दिसते. भिंतीवर रक्ताचे डाग पडलेले दिसतात. त्याच भिंतीवर 'बागी ४' ही अक्षरं दिसतात. अशाप्रकारे टायगरच्या आगामी Baaghi 4 ची घोषणा करण्यात आलीय.

Baaghi 4 कधी रिलीज होणार

साजिद नाडियादवाला यांनी पुन्हा एकदा Baaghi 4 च्या निर्मितीची धुरा सांभाळली आहे. या सिनेमात टायगर श्रॉफसोबत आणखी कोणते कलाकार झळकणार हे मात्र अद्याप गुलदस्त्यात आहे. A. Harsha यांनी सिनेमाचं दिग्दर्शन केलंय. हा सिनेमा ५ सप्टेंबर २०२५ ला थिएटरमध्ये रिलीज होणार आहे. 'सिंघम अगेन'नंतर टायगर श्रॉफ 'बागी ४'मध्ये पुन्हा एकदा तगडी अॅक्शन करताना दिसणार असून टायगरच्या चाहत्यांसाठी हा सिनेमा पुन्हा पर्वणी ठरेल यात शंका नाही.