स्टार बॅडमिंटनपटू ज्वाला गुट्टाचा अभिनेता विष्णू विशालसोबत साखरपुडा, अर्ध्या रात्री दिले जबरदस्त सरप्राईज

साऊथ अभिनेता विष्णू विशाल व सुप्रसिद्ध बॅडमिंटन खेळाडू ज्वाला गुट्टा रविवारी रात्री 12च्या ठोक्याला एन्गेज्ड झालेत.

ठळक मुद्देविष्णू हा तामिळचा लोकप्रिय अभिनेता आहे. अनेक सुपरहिट तामिळ सिनेमात त्याने अभिनय केला आहे.

साऊथ अभिनेता विष्णू विशाल व सुप्रसिद्ध बॅडमिंटन खेळाडू ज्वाला गुट्टा रविवारी रात्री 12च्या ठोक्याला एन्गेज्ड झालेत. होय, आज 7 सप्टेंबर हा ज्वालाचा वाढदिवस. काल रात्री 12 च्या ठोक्याला विष्णूने ज्वालाचा वाढदिवस साजरा केला. शिवाय तिला एक जबरदस्त सरप्राईज दिले. ज्वालाच्या बोटात साखरपुड्याची अंगठी घालली आणि ज्वालाला आयुष्यभर आठवणीत राहिल असे सरप्राईज दिले.
 या सरप्राईजमुळे ज्वालाचा आनंद गगणात मावेनासा झाला होता. माझ्या वाढदिवसाला विष्णू मला इतके मोठे सरप्राईज देईल, याची कल्पना नव्हती. हा क्षण मी कधीच विसरू शकणार नाही, अशी ती म्हणाली.

एंगेजमेंटनंतरचा एक फोटो शेअर करत विष्णूने ही माहिती दिली. ‘हॅपी बर्थ डे ज्वाला़ आयुष्याची नवी सुरुवात...पॉझिटीव्ह राहा आणि आपल्या चांगल्या भविष्यासाठी काम कर. आर्यन, आमचा मित्र परिवार आणि सोबत असलेल्या तुम्हा सर्वांचे प्रेम व आशीर्वाद असू द्या,’ अशी पोस्ट लिहित विष्णूने एंगेजमेंटची बातमी शेअर केली.

अर्ध्या रात्री केली रिंगची व्यवस्था
आपल्या पोस्टमध्ये विष्णूने वसंत जैन या मित्राचे खास आभार मानलेत. अर्ध्या रात्री रिंगची व्यवस्था करण्यासाठी त्याने वसंतला धन्यवाद दिले. विष्णू हा तामिळचा लोकप्रिय अभिनेता आहे. अनेक सुपरहिट तामिळ सिनेमात त्याने अभिनय केला आहे. 2009 मध्ये त्याने आपल्या अ‍ॅक्टिंग करिअरची सुरुवात केली होती. 2011 मध्ये रजनी नटराजनसोबत त्याचे लग्न झाले होते. मात्र काही कारणाने दोघेही विभक्त झालेत. ज्वालानेही बॅडमिंटन खेळाडू चेतन आनंदसोबत लग्न केले होते. मात्र त्यांचाही घटस्फोट झाला आहे.