अभिनेत्री नोरा फतेहीच्या कारची ऑटो रिक्षाला धडक, असा मिटला वाद

बॉलिवूडमधील सध्याची आघाडीची डान्सर म्हणूनही नोराला विशेष ओळखले जाते. ती तिच्या डान्समुळे नेहमीच चर्चेत असते. त्यासोबतच सध्या नोरा ही आरोपी सुकेश चंद्रशेखरसोबतच्या तिच्या कथित नात्यामुळेही चर्चेत आहे.

ठळक मुद्देनोराच्या कार ड्रायव्हरने रिक्षाचालकास 1000 रुपये नुकसान भरपाई म्हणून दिले, तेव्हा रिक्षाचालकाने कार ड्रायव्हरला सोडले. या घटनेचे वृत्त बॉलिवूड लाईफने दिले आहे.

मुंबई - अभिनेत्री नोरा फतेहीच्या कारला मंगळवारी अपघात झाला आहे. गुरू रंधवा यांच्या नवीन गाण्याच्या लाँचिंग कार्यक्रमासाठी नोराने उपस्थिती लावली होती. या कार्यक्रम प्रवासादरम्यान नोराच्या कार ड्रायव्हरने एका ऑटो रिक्षाचालकास धडक दिली. रिक्षाचालकाने बाहेर येत कार ड्रायव्हरची कॉलर पडकली होती. यावेळी, नोरा कारमध्ये नव्हती. मंगळवार 21 डिसेंबर रोजी संध्याकाळच्यावेळेस ही दुर्घटना घडली आहे.  

नोराच्या कारचालकाने मंगळवारी संध्याकाळी 7 ते 7.30 वाजण्याच्या सुमारास रिक्षाला धडक दिली, तेव्हा नोरा गाडीत नव्हती. त्यामुळे, या घटनेबाबतचे वृत्त माध्यमात उशिरा आले. नोराच्या कार ड्रायव्हरने रिक्षाचालकास 1000 रुपये नुकसान भरपाई म्हणून दिले, तेव्हा रिक्षाचालकाने कार ड्रायव्हरला सोडले. या घटनेचे वृत्त बॉलिवूड लाईफने दिले आहे. नोरा सध्या तिच्या ‘डान्स मेरी रानी’च्या गाण्याच्या कार्यक्रमात व्यस्त आहे. 

बॉलिवूडमधील सध्याची आघाडीची डान्सर म्हणूनही नोराला विशेष ओळखले जाते. ती तिच्या डान्समुळे नेहमीच चर्चेत असते. त्यासोबतच सध्या नोरा ही आरोपी सुकेश चंद्रशेखरसोबतच्या तिच्या कथित नात्यामुळेही चर्चेत आहे. जॅकलीन फर्नांडिस (Jacqueline Fernandez) आणि नोरा फतेही (Nora Fatehi) महाठग सुकेश चंद्रशेखर (Sukesh Chandrashekhar) याच्यासोबतच्या संबंधामुळे चांगल्याच वादात सापडल्या आहेत. जॅकलीनसोबतच नोरालाही सुकेशने महागडे गिफ्ट दिल्याचा आरोप आहे. अशात आता नोरा फतेही आणि सुकेश चंद्रशेखरचं चॅट (Nora Fatehi and Sukesh Chandrashekhar Chat) समोर आलं आहे. या चॅटमध्ये सुकेश नोराला महागडं गिफ्ट देण्याबाबत बोलत आहे.