अभिनेत्री शिल्पा शेट्टी साईचरणी लीन; ‘सुखी’ सिनेमाच्या यशासाठी केली प्रार्थना
By ऑनलाइन लोकमत | Published: September 4, 2023 07:09 PM2023-09-04T19:09:00+5:302023-09-04T19:10:22+5:30
'सुखी' चित्रपटाच्या यशासाठी शिल्पा साईचरणी नतमस्तक झालीय.
Shilpa Shetty
Next अभिनेत्री शिल्पा शेट्टी पुन्हा एकदा मोठ्या पडद्यावर जलवा दाखवणार आहे. ‘सुखी’ या स्त्रीप्रधान चित्रपटातून प्रेक्षकांचे मनोरंजन करण्यासाठी शिल्पा सज्ज झालेली आहे. हा चित्रपट २२ सप्टेंबर रोजी प्रदर्शित होणार आहे. 'सुखी' चित्रपटाच्या यशासाठी शिल्पा साईचरणी नतमस्तक झालीय. शिल्पा शेट्टी आणि राज कुंद्रा यांनी आज शिर्डीत साईबाबांच्या समाधीचं दर्शन घेतलं.
सुखी चित्रपटासाठी उद्यापासून प्रमोशनला सुरुवात करण्यात येतेय. याआधी शिर्डीत येवून शिल्पाने साईबाबांचा आशिर्वाद घेतला. यावेळी शिल्पाने नवीन 'सुखी'चं पोस्टर साईबाबाचरणी ठेवलं. आपला चित्रपट यशस्वी होवा, यासाठी प्रार्थना केलीय. शिल्पा शेट्टी शिर्डीच्या साईबाबांची निस्सीम भक्त असून, ती वर्षातून किमान एकदातरी साईदर्शनासाठी आवर्जून शिर्डीत येते.
‘सुखी’ या चित्रपटात सुखविंदर उर्फ सुखी कालरा या 38 वर्षीय पंजाबी गृहिणी आणि तिच्या मैत्रिणींची गोष्ट पाहायला मिळणार आहे. स्त्री ते आई होण्यापर्यंतचा 'सुखी'चा प्रवास प्रेक्षकांचं चांगलच मनोरंजन करेल. शिल्पा शेट्टी ही फिल्म इंडस्ट्रीतील अशा काही अभिनेत्रींपैकी एक आहे ज्यांनी स्वतःच्या बळावर यश मिळवलं आहे. बाजीगर, जानवर, हिंमत, परदेसी बाबू, आग, धडकन अशा चित्रपटांतून शिल्पाने अभिनयाची छाप पाडली. आजही तिच्या सौंदर्याचे लाखो चाहते आहे.