मलालाच्या बायोपिकमध्ये झळकणार ही अभिनेत्री, ट्रेलर झाला रिलीज

नोबेल पुरस्काराने सन्मानित झालेली मलाला यूसुफजेईच्या 'गुल मकई' बायोपिकचा ट्रेलर प्रदर्शित करण्यात आला आहे. या चित्रपटात रीम शेख मुख्य भूमिका साकारत आहे. हा रीमचा पहिला चित्रपट आहे. या चित्रपटानंतर तिने 'तुझे है राब्ता' शो देखील साईन केला होता, त्यानंतर ती खूप लोकप्रिय झाली.

रीम शेख हिने २०१८ मध्ये 'गुल मकई' चित्रपट साइन केला होता. पण हा चित्रपट रिलीज होण्यास वेळ लागला. आता हा चित्रपट ३१ जानेवारीला प्रेक्षकांच्या भेटीला येणार आहे.  मलाला तालिबानच्या अत्याचार आणि भीतीविरूद्ध कशी उभी राहते हे या चित्रपटात पाहायला मिळणार आहे. 

रीमने एका मुलाखतीमध्ये सांगितले होते की, तिने चित्रपट मलालाच्या वडिलांसोबत पाहिला होता. त्यांनाही चित्रपट खूप आवडला होता. मलाला जियाउद्दीन यूजीफजेई यांची मुलगी आहे.

मलालाची कहाणी ही खास आहे कारण तिने जगातील सर्वात खतरनाक दहशतवादी संघटनेविरूद्ध बीबीसी उर्दू वेबसाइटवर ब्लॉग लिहिण्यास सुरवात केली. या ब्लॉगमध्ये मलाला पाकिस्तानच्या स्वात खो वैलीमध्ये होणाऱ्या अत्याचारांविषयी बोलत असे. ती गुल मकई नावाच्या फेक आयडीने हा ब्लॉग करत असे. यामुळे चित्रपटाचे नाव 'गुल मकई' असे ठेवले गेले आहे.

चित्रपटाच्या ट्रेलरच्या एका भागामध्ये मलाला असेही म्हणते की, जर तालिबानमध्ये हत्यारांची ताकद असेल तर आपल्याकडे कलमची ताकद आहे आणि एक मुलगा, एक शिक्षक, एक पुस्तक आणि पेनवर जग बदलू शकते. पंकज त्रिपाठी, मुकेश ऋषी सारखे कलाकारही या चित्रपटात दिसणार आहेत.