आमिर खाननंतर रितेश देशमुखनंही केली 'झुंड'ची प्रशंसा, म्हणाला - 'नागराज मंजुळे देशातील...'

Riteish Deshmukh On Jhund : नुकतेच रितेश देशमुखने एक खास पोस्ट सोशल मीडियावर शेअर केली. या पोस्टमध्ये त्याने झुंड चित्रपटाच्या टीमची प्रशंसा केली आहे.

सैराट चित्रपटानंतर नागराज मंजुळेंचा आगामी चित्रपट झुंड (Jhund Movie) नुकताच रिलीज झाला आहे. त्यांनी या चित्रपटातून हिंदी सिनेइंडस्ट्रीत पदार्पण केले आहे. हा चित्रपट सध्या बॉक्स ऑफिसवर धुमाकूळ घालतोय. मिस्टर परफेक्शनिस्ट आमिर खान (Aamir Khan), साउथ स्टार धनुष (Dhanush) अशा अनेक कलाकार या चित्रपटाचे कौतुक करत आहेत. नुकतेच रितेश देशमुखने (Riteish Deshmukh)देखील झुंडसंदर्भात एक खास पोस्ट सोशल मीडियावर शेअर केली. या पोस्टमध्ये त्याने झुंड चित्रपटाच्या टीमची प्रशंसा केली आहे. तसेच त्याने दिग्दर्शक नागराज मंजुळेला (Nagraj Manjule) देशातील चांगला दिग्दर्शक, असेही म्हटले आहे. 

रितेश देशमुखने सोशल मीडियावर पोस्टमध्ये लिहिले की, 'कृपया सर्वांनी झुंड चित्रपट चित्रपटगृहात जाऊन पाहावा. नागराज मंजुळे हा आपल्या देशातील सर्वोत्कृष्ट दिग्दर्शक आहे. हा चित्रपट पाहिल्यानंतर अनेक विचार तुमच्या मनामध्ये येतील'

Please do your self a favour and watch #Jhund on the big screen. @Nagrajmanjule is the bestest director in the country - he makes you cry, cheer, feel the pain, the euphoria and most importantly he makes you think of two Indias divided by a compound wall. pic.twitter.com/FUICTg39ey

— Riteish Deshmukh (@Riteishd) March 6, 2022

रितेशने आणखी एक पोस्ट शेअर केली. त्या पोस्टमध्ये त्याने म्हटले, 'अमिताभ बच्चन सर तुम्ही या चित्रपटात खूप चांगले काम केले आहे. तुमचा हा अनोखा अंदाज खूप भावला. या चित्रपटातील प्रत्येक कलाकाराने चांगले काम केले आहे.' या पोस्टमध्ये त्याने अजय- अतुलच्या संगीताचे देखील कौतुक केले आहे. 

. @SrBachchan Sir, you are so so awesome in the movie. Your silences speak volumes. It’s a joy seeing you on screen in this avatar. Every actor is pitch perfect, kudos to the casting team. @AjayAtulOnline have hit this one out of the park - Wakada Tikada - hit #BhushanKumar 👍🏽👍🏽

— Riteish Deshmukh (@Riteishd) March 6, 2022

झुंड चित्रपट ४ मार्चला प्रेक्षकांच्या भेटीला आला. या चित्रपटात अमिताभ बच्चन यांच्यासोबतच आकाश ठोसर आणि रिंकू राजगुरू हे कलाकारदेखील पाहायला मिळाले.