शाहिद कपूरने सुरू केली आणखी एका साऊथ रिमेकची तयारी!!

‘अर्जुन रेड्डी’ या ब्लॉकबस्टर तेलगू चित्रपटाचा रिमेक अर्थात ‘कबीर सिंह’ हा चित्रपट येत्या जून महिन्यात प्रेक्षकांच्या भेटीस येतोय. शाहिद कपूर आणि कियारा अडवाणी या चित्रपटात मुख्य भूमिकेत आहेत. विशेष म्हणजे, ‘कबीर सिंह’ पूर्ण झाल्यानंतर शाहिद आणखी एका साऊथच्या रिमेकमध्ये दिसणार असल्याची चर्चाही सुरु झाली आहे

ठळक मुद्देमर्डर मिस्ट्रीवर आधारित ‘थडम’मध्ये अरूण विजय डबलरोलमध्ये दिसला होता. हा चित्रपट एका सत्यघटनेवर बेतलेला आहे.

‘अर्जुन रेड्डी’ या ब्लॉकबस्टर तेलगू चित्रपटाचा रिमेक अर्थात ‘कबीर सिंह’ हा चित्रपट येत्या जून महिन्यात प्रेक्षकांच्या भेटीस येतोय. शाहिद कपूर आणि कियारा अडवाणी या चित्रपटात मुख्य भूमिकेत आहेत. विशेष म्हणजे, ‘कबीर सिंह’ पूर्ण झाल्यानंतर शाहिद आणखी एका साऊथच्या रिमेकमध्ये दिसणार असल्याची चर्चाही सुरु झाली आहे.
होय, मगीज थिरूमेनी दिग्दर्शित ‘थडम’ या चित्रपटाच्या रिमेकमध्ये शाहिद दिसू शकतो.

याचवर्षी गत १ मार्चला ‘थडम’ हा तामिळ अ‍ॅक्शनपट रिलीज झाला. अरूण विजय, स्मृती व्यंकट, तान्या होप, विद्या प्रदीप अशा तामिळ स्टार्सची मुख्य भूमिका असलेला हा चित्रपट सुपरडुपर हिट राहिला. आता या चित्रपटाच्या हिंदी रिमेकची तयारी सुरु झाली आहे. ‘अर्जुन रेड्डी’नंतर ‘थडम’चेही हक्क खरेदी करण्यात आले आहे. ‘अर्जुन रेड्डी’चे निर्माते अश्विन वरदे आणि मुराद खेतानी यांनीच ‘थडम’चे हक्क विकत घेतले आहेत. त्यामुळे ‘थडम’च्या रिमेकमध्येही शाहिद कपूरची वर्णी लागणार, असे मानले जात आहे.
मर्डर मिस्ट्रीवर आधारित ‘थडम’मध्ये अरूण विजय डबलरोलमध्ये दिसला होता. हा चित्रपट एका सत्यघटनेवर बेतलेला आहे.

शाहिदच्या ‘कबीर सिंग’बद्दल सांगायचे तर संदीप रेड्डी वंगा दिग्दर्शित करत आहेत. ‘अर्जुन रेड्डी’ हा चित्रपटही संदीप रेड्डी वंगा यांनी दिग्दर्शित केलेला आहे. यात विजय देवरकोंडा मुख्य भूमिकेत होता. . या चित्रपटात शाहिद वैद्यकीय शाखेतील विद्यार्थ्याच्या भूमिकेत दिसणार आहे.