KGF 2 नंतर संजय दत्त झळकणार आणखी एका साऊथ सिनेमात, साकारणार अधीरापेक्षा खतरनाक व्हिलन

Sanjay Dutt : दाक्षिणात्य सुपरस्टार थलापती विजयच्या 'थलापती ६७'मधील संजयचा फर्स्ट लुक नुकताच रिलीज करण्यात आला आहे.

KGF Chapter 2 या चित्रपटाद्वारे कन्नड चित्रपटसृष्टीत आपला ठसा उमटवणारा संजय दत्त (Sanjay Dutt) लवकरच तमिळ चित्रपटांमध्ये आपल्या अभिनयाची इनिंग सुरू करणार आहे. संजय दत्त 'थलपथी ६७' (Thalapathy 67)मध्ये विजयसोबत दिसणार आहे. मीडिया रिपोर्ट्सनुसार, या चित्रपटासाठी त्याला मोठी रक्कम देण्यात आली आहे.

दाक्षिणात्य सुपरस्टार थलापती विजयच्या 'थलापती ६७'मधील संजयचा फर्स्ट लुक नुकताच रिलीज करण्यात आला आहे. यात संजयची भेदक नजर आणि बेधडक अंदाज लक्ष वेधून घेतो. या पोस्टरवर संजयनं लिहिलं की, 'थलापती ६७'ची वन लाईन ऐकल्यानंतर लगेचच मी होकार दिला. या सिनेमाच्या माध्यमातून नवीन प्रवासाची सुरुवात करण्यास उत्सुक असल्याचंही त्यानं लिहिलं आहे. 

We feel esteemed to welcome @duttsanjay sir to Tamil Cinema and we are happy to announce that he is a part of #Thalapathy67 ❤️#Thalapathy67Cast#Thalapathy@actorvijay sir @Dir_Lokesh@Jagadishblisspic.twitter.com/EcCtLMBgJj

— Seven Screen Studio (@7screenstudio) January 31, 2023

तसेच सोशल मीडियावर फोटो शेअर करत सेव्हन स्क्रीन स्टुडिओने कॅप्शनमध्ये लिहिले की, "संजय दत्त सरांचे तमिळ सिनेमात स्वागत करताना आम्हाला सन्मान वाटतो. तो थलपथी ६७चा भाग असल्याची घोषणा करताना आम्हाला आनंद होत आहे.
थलपथी ६७ चा भाग बनून संजय दत्तही खूप आनंदी आहे. त्यांचे हे विधान चित्रपटाच्या निर्मात्यांनी देखील शेअर केले आहे, ज्यामध्ये असे लिहिले आहे की, जेव्हा मी थलपथी ६७ चा वन लाइनर ऐकला, त्याच वेळी मी ठरवले होते की मला या चित्रपटाचा भाग व्हायचे आहे. हा प्रवास सुरू करण्यासाठी मी खूप उत्सुक आहे.

मीडिया रिपोर्ट्सनुसार, संजय दत्तला या चित्रपटासाठी १० कोटी रुपये मानधन देण्यात आले आहे. चित्रपटाचे नाव अद्याप अधिकृतपणे घोषित करण्यात आलेले नाही, त्यामुळे याला थलपथी ६७ असे संबोधले जात आहे. लोकेश कनागराज दिग्दर्शित हा एक अॅक्शन थ्रिलर असेल. लोकेशने यापूर्वी विक्रमसारखे सुपरहिट चित्रपट दिग्दर्शित केले आहेत. या चित्रपटात विजय आणि संजय व्यतिरिक्त त्रिशा, प्रिया आनंद, गौतम मेनन, अर्जुन सर्जा आणि मन्सूर अली खान देखील दिसणार आहेत.