​दीर्घ काळानंतर सुपरहिट जोड्यांचे ‘Comeback’ !

ong>-रवींद्र मोरे 
बॉलिवूड चित्रपटात दर्शकांना ज्या जोड्या आवडतात, त्याच जोड्यांना ते पुन्हा पुन्हा चित्रपटात पाहू इच्छितात. याच कारणाने ८० आणि ९० व्या दशकात बऱ्याच जोड्या दर्शकांच्या फेव्हरेट झाल्या होत्या. मात्र काळानुसार अ‍ॅक्टर्सच्या करिअरची दिशा बदलू लागली आणि त्यांना मिळणारी भूमिका ही जोड्यांना महत्त्व न देणारी मिळू लागली. मात्र जेव्हाही बॉलिवूडच्या या आयकॉनिक जोड्या पडद्यावर दिसतात, तर दर्शक खूपच उत्साही होऊन तो चित्रपट पाहण्यास जातात. चित्रपट निर्मात्यांनी हिच बाब ओळखून या सुपरहिट जोड्यांना बऱ्याच काळानंतर पुन्हा पडद्यावर आणण्याचा प्रयत्न केला आहे. तर जाणून घेऊया त्या जोड्यांबाबत...

* सलमान खान - प्रियांका चोप्रा

सलमान आणि प्रियांकाची जोडी सर्वांनाच आवडते. ‘मुझसे शादी करोगी’, 'गॉड तुस्सी ग्रेट हो' आणि 'सलाम-ए-इश्क’ यासारख्या चित्रपटात तर दोघांनी कमालच केली होती. बऱ्याच काळानंतर आता ही जोडी पुन्हा दर्शकांचे मनोरंजन करण्यासाठी येत आहे. सलमान खानचा आगामी ‘भारत’ चित्रपटात प्रियांका त्याची हिरोइन असेल, शिवाय या चित्रपटात कॅटरिना कैफदेखील असेल.   

* संजय दत्त - माधुरी दीक्षित

९० व्या दशकात संजय आणि माधुरी या जोडीने आपणास ‘खलनायक’, ‘साजन’, आणि ‘थानेदार’ यासारखे सुपरहिट चित्रपट दिले आहेत. ही जोडी शेवटी आपणास १९९७ मध्ये ‘महानता’ मध्ये दिसली होती. मात्र आता लवकरच ही जोडी करण जौहरच्या ‘कलंक’  या आगामी चित्रपटात सोबत दिसणार आहे. हा एक इपिक ड्रामा आणि भारत-पाकिस्तान बॉर्डरवर आधारित असेल. आपल्या काळात सुपरहिट ठरलेली ही जोडी पुन्हा आपली कमाल दाखवू शकेल की नाही हे आता वेळच ठरवेल.  

* अनिल कपूर - माधुरी दीक्षित

या जोडीने तर कमालच केली आहे. या जोडीने सोबत एक नव्हे, दोन नव्हे तर तब्बल १४ चित्रपटात काम केले आहे. ही जोडी आजही बॉलिवूड चित्रपटांच्या सर्वात सुपरहिट जोड्यांमधली एक आहे. विशेष म्हणजे या जोडीचा चित्रपट दर्शक खूपच उत्सुकतेने पाहायला जायायचे, आणि आता पुन्हा हिच जोडी दिग्दर्शक इन्दर कुमारच्या ‘टोटल धमाल’ या चित्रपटात दिसणार आहे.  

* सलमान खान - अनिल कपूर

'बीवी न.1', 'नो एंट्री' आणि 'युवराज' यासारख्या चित्रपटात एकत्र दिसलेले सलमान खान आणि अनिल कपूर ही जोडी पुन्हा एकदा पडद्यावर वापस येत आहेत. हे दोघेही रेमो डीसूजाचा आगामी ‘रेस 3’ या चित्रपटात सोबत काम करणार आहेत. या फ्रॅँ चाइजीमध्ये अनिल कपूर सुरुवातीपासून आहे, मात्र आता सलमान पहिल्यांदाच या फ्रॅँचाइजीत सहभागी होत आहे. या चित्रपटात सलमान निगेटिव्ह रोलमध्ये दिसणार असून अनिल कपूर पुन्हा एकदा पोलिसाची भूमिका साकारताना दिसणार आहे.  

* अमिताभ बच्चन - ऋषि कपूर

अमिताभ बच्चन आणि ऋषि कपूर, बॉलिवूडचे लिजेंड्स आहेत. या दोघांनी सोबत ‘नसीब’, ‘कूली’ आणि ‘अमर अकबर एंथनी’ यासारखे सुपरहिट चित्रपट दिले आहेत. २७ वर्षाअगोदर या जोडीने शेवटी ‘अजूबा’ या चित्रपटात काम केले होते. आता ही जोडी पुन्हा एकदा ‘102 नॉट आउट’ मध्ये सोबत दिसणार आहेत.  

Web Title: After a long time, superback couples 'comeback'!

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.