राजामौलींच्या 'RRR'नंतर ऑस्करच्या शर्यतीत सामील झाला ऋषभ शेट्टीचा 'कांतारा'

Kantara Movie : ऋषभ शेट्टीच्या 'कांतारा'नं बॉक्स ऑफिसवर धमाकेदार कमाई केल्यानंतर आता हा चित्रपटही ऑस्करच्या शर्यतीत सामील झाला आहे.

२०२३ची सुरुवात कन्नड सिनेमासाठी धमाकेदार झाली आहे, कारण ऋषभ शेट्टी(Rishabh Shetty)च्या कांतारा (Kantara Movie) या चित्रपटाने सर्वोत्कृष्ट सिनेमा आणि सर्वोत्कृष्ट अभिनेता श्रेणींमध्ये अकादमी पुरस्कार पात्रता यादीत आपले स्थान निर्माण केले आहे. यशाचे सर्व विक्रम मोडीत काढणाऱ्या या चित्रपटाने ऑस्कर(Oscar)च्या दोन श्रेणींमध्ये स्पर्धकांच्या यादीत आपले स्थान निश्चित केले आहे. या चित्रपटाची कथा ऋषभ शेट्टीने लिहिली आहे. यासोबतच अभिनयासोबतच ऋषभ शेट्टी या चित्रपटाचा दिग्दर्शकही आहे. या चित्रपटाला ऑस्करमध्ये एंट्री मिळाली आहे, त्याबद्दल दिग्दर्शक ऋषभ शेट्टीने ट्विटरच्या माध्यमातून आपला आनंद व्यक्त केला आहे.

कन्नड चित्रपट आणि कांतारा चित्रपटाच्या चाहत्यांसाठी एक आनंदाची बातमी आहे. ऋषभ शेट्टीचा चित्रपट कांतारा सर्वोत्कृष्ट चित्रपट आणि सर्वोत्कृष्ट अभिनेत्याच्या श्रेणींमध्ये ऑस्कर पुरस्कारांच्या यादीसाठी पात्र ठरला आहे. याचा सरळ अर्थ, कांतारा ऑस्कर सदस्यांसाठी पात्र आहे आणि हा चित्रपट आता मुख्य नामांकनापर्यंत पोहोचण्यासाठी मत देण्यास पात्र आहे.

ऑस्करमध्ये उशिराने प्रवेश मिळाल्याने चित्रपटाचा दिग्दर्शक ऋषभ शेट्टी खूप खूश आहे. ऋषभ शेट्टीने त्याच्या अधिकृत ट्विटर हँडलवरून हा आनंद व्यक्त केला आहे. त्याने ट्विटमध्ये लिहिले की, 'आम्हाला कळवताना अतिशय आनंद होत आहे की 'कांतारा'ला २ ऑस्कर पात्रता मिळाली आहे. ज्यांनी आम्हाला पाठिंबा दिला त्या सर्वांचे मनःपूर्वक आभार. तुमच्या सर्वांच्या पाठिंब्याने आम्ही हा प्रवास पुढे शेअर करण्यास उत्सुक आहोत. ऑस्करमध्ये झळकताना पाहण्यासाठी प्रतीक्षा करू शकत नाही'.

We are overjoyed to share that 'Kantara' has received 2 Oscar qualifications! A heartfelt thank you to all who have supported us. We look forward to share this journey ahead with all of your support. Can’t wait to see it shine at the #Oscars#Kantara@hombalefilms#HombaleFilms

— Rishab Shetty (@shetty_rishab) January 10, 2023

'कांतारा'ला ऑस्करच्या शर्यतीत उशीराने प्रवेश मिळाला. यासोबतच एसएस राजामौलीच्या आरआरआर आणि ऋषभ शेट्टीच्या 'कांतारा' ऑस्करच्या शर्यतीत सहभागी झाला आहे. आता या चित्रपटाबाबत प्रेक्षकांच्या अपेक्षा वाढल्या असून 'कांतारा' अंतिम नामांकनातही आपले स्थान निर्माण करू शकेल अशी त्यांची इच्छा आहे. ऋषभ शेट्टीचा चित्रपट कांतारा २०२२ मधील सर्वाधिक कमाई करणाऱ्या चित्रपटांच्या यादीत सामील झाला आहे. जागतिक स्तरावर बोलायचे झाले तर ४०० कोटींहून अधिक कमाई करणाऱ्या या चित्रपटाने नुकतेच थिएटरमध्ये १०० दिवस पूर्ण केले आहेत.