Samantha Ruth-Prabhu: घटस्फोटानंतर समंथा रुथ-प्रभूने दिली गुड न्यूज सोशल मीडियावर केली मोठी घोषणा

Samantha Ruth-Prabhu: दक्षिणेतील सुपरस्टार समंथा रुथ-प्रभू गेल्या अनेक दिवसांपासून तिच्या पर्सनल लाईफमुळे चर्चेत राहिली होती. मात्र आता तिने प्रोफेशनल लाईफकडे लक्ष केंद्रित करण्यास सुरुवात केली आहे.

हैदराबाद - दक्षिणेतील सुपरस्टार समंथा रुथ-प्रभू गेल्या अनेक दिवसांपासून तिच्या पर्सनल लाईफमुळे चर्चेत राहिली होती. मात्र आता तिने प्रोफेशनल लाईफकडे लक्ष केंद्रित करण्यास सुरुवात केली आहे. पुष्पा चित्रपटातील तिचं आयटम साँग चांगलंच गाजलं होतं. आता तिने सोशल मीडियाच्या माध्यमातून एक घोषणा केली आहे. समंथा हिने केलेली घोषणा ही तिच्या फँन्ससाठी गुड न्यूजपेक्षा कमी नाही आहे. समंथा हिने तिच्या येणाऱ्या यशोदा या चित्रपटाच्या प्रदर्शनाची तारीख जाहीर केली आहे. 
हरी आणि हरीश यांनी दिग्दर्शित केलेला समंथा हिचा आगामी यशोदा हा चित्रपट १२ अॉगस्ट रोजी प्रदर्शित होणार आहे. निर्मात्यांनी मंगळवारी याची घोषणा केली. हा चित्रपट श्री देवी मुव्हीजसाठी निर्माता शिवलेंका  कृष्णा प्रसाद यांच्याकडून बँकरोल करण्यात आला आहे. 
 निर्माते शिवलेंका कृष्ण प्रसाद यांनी या चित्रपटातील समंथाच्या भूमिकेबाबत सांगितले की, या चित्रपटात समंथाने केवळ अभिनयच नाही तर फाईट सिक्वेंसमध्येही जबरदस्त भूमिका  बजावली आहे. आम्ही १२ अॉगस्ट रोजी तामिळ, तेलुगू, कन्नड, मल्याळम आणि हिंदी भाषेत हा चित्रपट एकाच वेळी प्रदर्शित करणार आहोत. 
त्यांनी सांगितले की, या चित्रपटाचं चित्रिकरण हे मे महिन्याच्या अखेरीस पूर्ण होईल. या अँक्शन थ्रिलर चित्रपटात एक प्लॉट आहे जो संपूर्ण देशभरातील प्रेक्षकांना चित्रपट गृहांमध्ये खेचून आणू शकतो.  हल्लीच आम्ही एका मोठ्या सेटवरचे चित्रिकरण आटोपले आहे. आता कोडाई कँनॉल येथे शुटिंगसाठी जाणार आहोत.
या चित्रपटात समंथा सोबतच वरलक्ष्मी सरथकुमार, उन्नी मुकुंदन, राव रमेश, मुरली शर्मा, संपत राज, शत्रू, मधुरिमा, कल्पिता गणेश, दिव्या श्रीपता, प्रियंका शर्मा हे कलाकार आहेत.