माय फ्रेंड गणेशामधील छोटा आशू बनलाय OTTवरील मोठं नाव, फोटो पाहून ओळखताही येणार नाही

Ahsaas Channa: माय फ्रेंड गणेशा हा चित्रपट तुमच्यापैकी अनेकांनी लहानपणी आवडीने पाहिला असेल. या चित्रपटातील छोट्या आशूने त्याच्या निरागसतेमुळे सर्वांचंच मन जिंकलं होतं. चित्रपटातील संवाद असो वा आशूचा साधाभोळा चेहरा प्रेक्षकांच्या आजही मनात घर करून आहे.

माय फ्रेंड गणेशा हा चित्रपट तुमच्यापैकी अनेकांनी लहानपणी आवडीने पाहिला असेल. या चित्रपटातील छोट्या आशूने त्याच्या निरागसतेमुळे सर्वांचंच मन जिंकलं होतं. चित्रपटातील संवाद असो वा आशूचा साधाभोळा चेहरा प्रेक्षकांच्या आजही मनात घर करून आहे. पण माय फ्रेंड गणेशामध्ये आशूची भूमिका करणारा बालकलाकार हा मुलगा नाही तर मुलगी होती, हे तुम्हाला माहिती आहे का. लहानपणी आशू बनून सर्वांचं मन जिंकणारी ही कलाकार आता मोठी झाली आहे. तसेच अभिनयाच्या जोरावर सर्वांच्या कौतुकाचा विषयही ठरत आहे. 

आता तुम्हाला या अभिनेत्रीचं नाव अजून समजलं नसेत तर आम्हीच तुम्हाला सांगतो. आम्ही ज्या अभिनेत्रीविषयी सांगत आहोत तिचं नाव आहे अहसास चन्ना. आज अहसास चन्ना ओटीटी प्लॅटफॉर्म आणि वेबसिरिजमधील प्रसिद्ध नाव बनली आहे. सोशल मीडियावर अहसासचे मोठ्या प्रमाणावर फॉलोअर्स आहेत. तसेच ती सोशल मीडियावरून तिचे आगामी प्रोजेक्ट्स आणि पर्सनल लाईफबाबतची अपडेट शेअर करत असते.

 अहसासने माय फ्रेंड गणेशाबरोबरच अनेक चित्रपटांमध्ये बालकलाकार म्हणून काम केलेलं आहे. तिने २००४ मध्ये प्रदर्शित झालेल्या वास्तूशास्त्र चित्रपटामध्ये सुश्मिता सेनच्या मुलाची भूमिका केली होती. त्यानंतर कभी अलविदा ना कहना चित्रपटामध्येही ती दिसली होती.

अहसास चन्ना आता अनेक यूट्युब व्हिडीओ  आणि वेब सिरीजमधूनही दिसली आहे. तिने कोटा फॅक्ट्री, हॉस्टल डेज, गर्ल्स हॉस्टेल सारख्या लोकप्रिय वेबसिरीजमध्ये भूमिका केल्या आहेत. वेबसिरीजबरोबरच तिने अनेक टीव्ही मालिकांमध्येही काम केलं आहे. तिने ओए जस्सी, एमटीव्ही फना, गंगा, आधा फूल, गुमराह यासारख्या मालिकांमधून खूप प्रसिद्धी मिळवली आहे.