Ajay Devgan : अजय देवगणने खरेदी केली ब्रँड न्यू मर्सिडीज मे-बॅक, किंमत ऐकून थक्क व्हाल

Ajay Devgan : ही सुपर लक्झरी एसयूव्ही अजयची आवडती एसयूव्ही मानली जाते. अलीकडे अजय लेक न्यासासोबत या गाडीत स्पॉट झाला होता...

बॉलिवूड अभिनेता अजय देवगणला (Ajay Devgan ) लक्झरी गाड्यांचं किती वेड आहे, हे सर्वांनाच ठाऊक आहे. आता अजयच्या गाड्यांच्या ताफ्यात आणखी एक महागडी, अलिशान गाडी सामील झाली आहे. होय, नुकतीच अजयने नवी कोरी लक्झरी SUV Mercedes Benz Maybach GLS600 खरेदी केली आहे. मर्सिडीज बेंझची ही सुपर लक्झरी एसयूव्ही अजयची आवडती एसयूव्ही मानली जाते. या कारचे वैशिष्ट्य म्हणजे यात 3982 सीसीचे इंजिन आहे. अलीकडे अजय लेक न्यासासोबत या गाडीत स्पॉट झाला होता.

२०२१ मध्ये ही कार लॉन्च झाली तेव्हा या गाडीची जबरदस्त बुकिंग झाली होती. ही कार बुक करणार्यांमध्ये बहुतांश बॉलिवूड सेलिब्रिटी होते. अजयने खरेदी केलेल्या नव्या गाडीची किंमत ३.३ कोटी असल्याचं कळतंय.

View this post on Instagram

A post shared by Ajay Devgn (@ajaydevgn)

अजय देवगणच्या कार कलेक्शनबद्दल सांगायचं तर, त्याच्या गॅरेजमध्ये नवीन मर्सिडीज मेबॅक जीएलएस 600 सह अनेक महागड्या गाड्या आहेत. अजय देवगणकडे आधीपासूनच Rolls-Royce Cullinan ही लग्झरी आहे. जगातील सर्वात महागड्या SUV मध्ये या कारची गणना होते. या आलिशान गाडीची किंमत जवळपास 6.95 कोटी आहे. याशिवाय त्याच्याकडे रेंज रोव्हर ऑडीसह इतर 6 गाड्या आहेत. 

अजयच्या वर्कफ्रंटबद्दल सांगायचं तर त्याचा नुकताच रिलीज 'दृश्यम 2' हा चित्रपट बॉक्स ऑफिसवर ब्लॉकबस्टर ठरला होता. केवळ 50 कोटींच्या बजेटमध्ये बनवलेल्या या चित्रपटाने बॉक्स ऑफिसवर 343.42 कोटींची कमाई केली.  'तान्हाजी'नंतर अजयचा हा दुसरा सर्वात हिट चित्रपट आहे. अजय आता भोला या आगामी चित्रपटात दिसणार आहे. हा चित्रपट 30 मार्च 2023 रोजी 3D मध्ये रिलीज होणार आहे. हा साऊथचा सुपरहिट चित्रपट 'कैथी'चा रिमेक आहे.