Shahrukh Khan: "पठाण" रिलीजबद्दल अजय स्पष्टच बोलला, शाहरुखनेही तसाच रिप्लाय दिला

बॉलिवूडमध्ये गेल्या काही दिवसांपासून बायकॉट ट्रेंडमुळे निर्मात्यांमध्ये काहीही भीती निर्माण झाली आहे

शाहरूख खान व दीपिका पादुकोणचा 'पठाण' २५ जानेवारीला सर्वच चित्रपटगृहांत धडकणार आहे. त्याआधी शाहरूखचे चाहते क्रेझी झाले आहेत. चित्रपटाच्या ॲडव्हान्स बुकिंगला जबरस्त प्रतिसाद मिळतोय. आता हा सिनेमा बॉक्स ऑफिसवर काय धमाका करतो, ते बघूच. पण, सध्या शाहरूखने एका पाठोपाठ एक धमाके करतोय. होय, गेल्या काही दिवसांपासून शाहरूख सोशल मीडियावर कमालीचा सक्रीय झालेला दिसतोय. शाहरुखच्या पठाणचं बुकींग पाहून अजय देवगणनेही प्रतिक्रिया दिली. आजपर्यंत एवढं चांगलं बुकींग कुठल्याही चित्रपटाला मिळालं नसल्याचं अजय देवगणने म्हटले. तसेच, ही चांगली गोष्ट असल्याचंही तो म्हणाला. आता, अजयच्या या विधानावर शाहरुखने प्रतिक्रिया देत अजयचे आभार मानले आहेत. 

बॉलिवूडमध्ये गेल्या काही दिवसांपासून बायकॉट ट्रेंडमुळे निर्मात्यांमध्ये काहीही भीती निर्माण झाली आहे. मात्र, शाहरुखच्या पठाणकडून चित्रपटसृष्टीमुळे मोठी अपेक्षा आहे. या चित्रपटातून आशावादही दिसतोय. म्हणूनच, बॉलिवूड सेलिब्रिटी पठाणचं स्वागत करताना दिसत आहेत. अजय देवगणच्या भोला चित्रपटाचा दुसरा टीझर नुकताच लाँच झाला. याप्रसंगी बोलताना अजय म्हणाला, फिंगर क्रॉस करुन पाहा मला तर वाटते की चित्रपट रिलीज व्हायला पाहिजे. तो सुपर-डूपर हिट होवो. ही संपूर्ण इंडस्ट्री एक आहे. आता, पठाण रिलीज होत आहे. जसं मी ऐकतोय, पठाणच्या तिकीटांचं बुकींग जे एवढ जोरात सुरूय, जे आत्तापर्यंत झालं नाही, असे अजयने म्हटले. 

Dear @iamsrk, thank you for your love and presence. I value the bond we share as much as you do. Pathaan collections look poised to go through the roof. I’m happy that as an industry things are looking up for us. https://t.co/rpHVXoVvlr

— Ajay Devgn (@ajaydevgn) January 24, 2023

अजयच्या या विधानावर शाहरुख खाननेही प्रतिक्रिया दिली आहे. आपल्या ट्विटर अकाऊंटवरुन अजयचा फोटो शेअर करत शाहरुखने अजयच्या प्रेमाबद्दल धन्यवाद दिले. तसेच, अजय हा माझ्या कुटुंबाच्या आणि माझ्या कायमच पाठिशी राहिला आहे. त्याने जिव्हाळा जपला असून तो आमच्या कुटुंबाचा स्तंभ आहे. तो एक चांगला अभिनेता आणि उत्तम माणूस आहे, असेही शाहरुखने म्हटले. दरम्यान, शाहरुखच्या या ट्विटवर अजयनेही प्रतिक्रिया देत शाहरुखचे धन्यवाद मानले आहेत.  
 
चाहत्यांशी शाहरुखचा संवाद

दरम्यान, शाहरुख सध्या #AskSRK या सेशनच्या माध्यमातून चाहत्यांच्या प्रश्नांना उत्तरं देतोय. चाहते भन्नाट प्रश्न विचारत आहेत आणि किंगखान त्या प्रश्नांना तितकीच भन्नाट उत्तरं देतोय. सध्या त्याचीच चर्चा आहे. 'पठाण'च्या प्रमोशनसाठी यावेळी शाहरूखने वेगळा फंडा अवलंबला आहे. मीडियाला मुलाखती देण्याऐवजी तो सोशल मीडियावरून थेट चाहत्यांच्या संपर्कात राहण्याचा प्रयत्न करतोय. #AskSRK सेशनद्वारे चाहत्यांशी हितगूज करतोय.