अजय देवगणचा आणखी एक ‘धमाका’! साकारणार विंग कमांडर विजय कर्णिक यांची भूमिका!
By ऑनलाइन लोकमत | Published: March 19, 2019 12:40 PM2019-03-19T12:40:34+5:302019-03-19T12:40:49+5:30
गत २२ फेबु्रवारीला प्रदर्शित झालेला अजय देवगणचा ‘टोटल धमाल’ हा चित्रपट आजही बॉक्सआॅफिसवर ‘धमाल’ करतोय. नुकताच या चित्रपटाने १५० कोटींचा आकडा पार केला. या यशाने उत्साहित अजय देवगणबद्दल आता आणखी एक बातमी आहे. होय, अजयने एक नवा चित्रपट साईन केला आहे.
अजय देवगणचा आणखी एक ‘धमाका’! साकारणार विंग कमांडर विजय कर्णिक यांची भूमिका!
Next गत २२ फेबु्रवारीला प्रदर्शित झालेला अजय देवगणचा ‘टोटल धमाल’ हा चित्रपट आजही बॉक्सआॅफिसवर ‘धमाल’ करतोय. नुकताच या चित्रपटाने १५० कोटींचा आकडा पार केला. या यशाने उत्साहित अजय देवगणबद्दल आता आणखी एक बातमी आहे. होय, अजयने एक नवा चित्रपट साईन केला आहे. या चित्रपटात अजय भारतीय हवाईदलाचे विंग कमांडर विजय कर्णिक यांची भूमिका साकारताना दिसेल.
मुव्ही क्रिटीक्स तरण आदर्श यांनी काही क्षणांपूर्वी या चित्रपटाची घोषणा केली. ‘भूज- द प्राईड आॅफ इंडिया’ असे या चित्रपटाचे नाव आहे. १९७१ च्या भारत-पाक युद्धदरम्यान भूज विमान तळाचे प्रभारी स्क्वॉड्रन लीडर विजय कर्णिक यांच्या आयुष्यावर हा चित्रपट बेतलेला आहे. अभिषेक दुधई द्वारा दिग्दर्शित हा चित्रपट गिन्नी खानूजा,वजीर सिंह, भूषण कुमार यांची निर्मिती आहे.
Ajay Devgn in #BhujThePrideOfIndia... Will essay the role of Squadron Leader Vijay Karnik, in charge of Bhuj airport during the 1971 Indo-Pak war... Directed by Abhishek Dudhaiya... Produced by Ginny Khanuja, Vajir Singh, Bhushan Kumar, Krishan Kumar and Abhishek Dudhaiya. pic.twitter.com/mKDga9Uv3y
— taran adarsh (@taran_adarsh) March 19, 2019
१९७१ च्या भारत-पाक युद्धादरम्यान विजय कर्णिक भूज विमानतळावर तैनात होते. पाकी हवाई हल्ल्यात भूज तळावरची धावपट्टी ध्वस्त झाली होती. ही धावपट्टी पुन्हा उभारणे गरजेचे होते. अशावेळी विजय कर्णिक यांनी धाडसी निर्णय घेत, बाजूच्या गावातील महिलांच्या मदतीने ही धावपट्टी उभारली होती. भारत-पाक युद्धात या धावपट्टीचे योगदान महत्त्वाचे राहिले आणि पर्यायाने ही धावपट्टी नव्याने उभारणारे विजय कर्णिक यांचे योगदानही अनन्यसाधारण ठरले.
विजय कर्णिक यांची भूमिका साकारणार असलेला अजय लवकरच फुटबॉल कोच सैय्यद अब्दुल रहीम यांच्या बायोपिकमध्ये झळकणार आहे. याशिवाय ‘तानाजी’हा त्याचा ऐतिहासिक चित्रपटातही या वर्षात प्रदर्शित होत आहे.