प्रमोशनसाठी काहीपण! अक्षयने ३ मिनिटांत सर्वाधिक 'सेल्फी' घेत मोडला गिनीज वर्ल्ड रेकॉर्ड, Video व्हायरल

खिलाडी अक्षय कुमारचा आगामी 'सेल्फी' (Selfie) हा सिनेमा प्रदर्शित होणार आहे.

Akshay Kumar : खिलाडी अक्षय कुमारचा आगामी 'सेल्फी' (Selfie) हा सिनेमा प्रदर्शित होणार आहे. चित्रपटात अभिनेता इम्रान हाश्मी (Emran Hashmi) देखील मुख्य भुमिकेत आहे. सध्या दोघेही सिनेमाच्या प्रमोशनमध्ये व्यस्त आहेत. नुकतेच मुंबईत एका इव्हेंमध्ये अक्षय कुमार प्रमोशनसाठी आला होता. यावेळी भन्नाट अंदाजात सिनेमाचे प्रमोशन करण्यात आले. चित्रपटाच्या नावाप्रमाणेच अक्षय कुमारने चाहत्यांसोबत सर्वाधिक सेल्फी घेत गिनीज वर्ल्ड रेकॉर्ड मोडला.

अक्षय कुमारने काल २२ फेब्रुवारी रोजी मुंबईतील इव्हेंटमध्ये धमाल आणली. सर्वाधिक सेल्फी घेत त्याने हा व्हिडिओही सोशल मीडियावर शेअर केला. तर व्हिडिओच्या कॅप्शनमध्ये लिहिले,'मी जे यश मिळवले आहे आणि आयु्ष्यात मी ज्या ठिकाणी पोहोचलो आहे ते केवळ तुमच्या अगणित प्रेमामुळेच. मी हे माझ्या चाहत्यांना समर्पित करतो. माझ्या संपूर्ण करिअरमध्ये तुम्ही माझ्या पाठीशी उभे राहिलात. चाहत्यांच्या मदतीमुळेच आज ३ मिनिटांत सर्वाधिक सेल्फी घेण्याचा गिनीज वर्ल्ड रेकॉर्ड मोडला आहे. सर्वांचे आभार. हे खूपच खास आहे आणि कायम लक्षात राहणारं आहे. आता सेल्फीच सेल्फी असतील. शुक्रवारी सिनेमा हॉलमध्ये भेटू'

Viral Video: “पैसा काय काय करायला लावतो यार...”, सलमान-अक्षयचा व्हिडीओ पाहून चाहते नाराज

या इव्हेंटमध्ये अक्षय कुमारने ३ मिनिटांत तब्बल १८४ सेल्फी घेण्याचा विक्रम रचला आहे. एकामागोमाग एक झटपट सेल्फी घेत त्याने हा विक्रम केला. येत्या शुक्रवारी २४ मार्च रोजी सेल्फी चित्रपटगृहांत प्रदर्शित होत आहे. अक्षय कुमारचे मागील काही सिनेमे बॉक्सऑफिसवर कमाल करु शकले नाहीत. त्यामुळे आता 'सेल्फी' कडून अक्षयला अपेक्षा आहेत.