​अक्षय कुमारसाठी नवे नाहीत वाद! अनेकदा फसलायं वादात!!

सध्या सुपरस्टार अक्षय कुमार आणि कॉमेडियन मल्लिका दुआ यांचा वाद चांगलाच गाजतोयं. या वादाचे कारण आहे, अक्षय कुमारची एक ...

स�

��्या सुपरस्टार अक्षय कुमार आणि कॉमेडियन मल्लिका दुआ यांचा वाद चांगलाच गाजतोयं. या वादाचे कारण आहे, अक्षय कुमारची एक टिप्पणी. होय, टीव्ही शो ‘द ग्रेट इंडियन लाफ्टर चॅलेंज’च्या सेटवर अक्षय कुमारने मल्लिकावर अशी काही टीप्पणी केली होती की, मल्लिकाचे वडिल व ज्येष्ठ पत्रकार विनोद दुआ जाम भडकले होते.  अक्षयने शोमध्ये वापरलेल्या भाषेवर तीव्र आक्षेप नोंदवत त्यांनी एक क्लिपिंग शेअर केली होती. या क्लीपमध्ये   अक्षय मल्लिकाला उद्देशून ‘मल्लिकाजी आप बेल बजाओ, मैं आपको बजाता हूं,’ अशी टिप्पणी करताना दिसला होता. पण खरे सांगायचे तर अक्षय पहिल्यांदा अशा वादात अडकलेला नाही. याआधीही अनेकदा अक्षयने असे वाद ओढवून घेतले आहेत.

रवीना टंडनसोबतचे अफेअर



रवीना टंडनसोबत अक्षय कुमारचे अफेअर होते. पण रवीनाशी अफेअर सुरु असताना अक्षय पूजा बत्रासोबतही रिलेशनशिपमध्ये होते. यावरून अक्षय कमालीचा चर्चेत आला होता. अक्षयने पूजाला धोका दिला, अशी चर्चा त्यावेळी रंगली होती.

रँपवरची ती घटना



एका फॅशन शोदरम्यान अक्षयने आपल्या जीन्सची झीप पत्नी ट्विकंल खन्ना हिला खोलायला लावली होती. सर्वांसमोर ट्विकंल अक्षयच्या पँटची झीप खोलताना दिसली होती. यावरून मोठे वादळ निर्माण झाले होते.

रेखासोबतचे सीन्स



सदाबहार अभिनेत्री रेखासोबत ‘खिलाडीयों का खिलाडी’मध्ये अक्षयने अतिशय बोल्ड व इंटिमेट सीन्स दिले होते. यानंतर त्याच्याबद्दल अनेक तºहेची चर्चा रंगली होती.

शिरीष कुुंदरसोबतचा वाद



अक्षय कुमारने शिरीष कुंदरच्या (फराह खानचा पती)‘जोकर’मध्ये काम केले होते. पण चित्रपटाबद्दल अक्षय समाधानी नव्हता. आपली फसवणूक झाली,असे अक्षयचे मत होते. यामुळे त्याने प्रमोशनमधून अंग काढून घेतले आणि त्याचवेळी कुंदर व फराह खानसोबत यापुढे कधीही काम न करण्याचा निर्णयही घेतला.

शिल्पा शेट्टीसोबतचे अफेअर



रवीना, पूजा बत्रा यांच्यासोबतच अक्षयने शिल्पा शेट्टीलाही धोका दिल्याचे म्हटले जाते. शिल्पाला अक्षयने लग्नाचेही प्रॉमिस केले होते.

प्रियांकासोबतची जवळीक



‘ऐतराज’च्या शूटींगदरम्यान अक्षय व प्रियांका चोप्राची जवळीक वाढली होती. टिष्ट्वंकल खन्नाला याची भणक लागल्यानंतर अक्षय प्रियांकासोबत पुढे कधीही काम न करण्याचाच निर्णय मोकळा झाला.

ALSO READ: अक्षय कुमारच्या ‘त्या’ कमेंटने भडकले मल्लिका दुआचे पापा! वाचा, सविस्तर घटना!!

नागरिकत्व
अक्षय कुमारकडे कॅनडाचे नागरिकत्व आहे. गत काळात यावरून बरीच कॉन्टोवर्सी झाली होती.