सामान्य माणसाचं आकाशाला गवसणी घालण्याचं स्वप्न, अक्षय कुमारच्या 'सरफिरा'चा रोमांचक ट्रेलर रिलीज

अक्षय कुमारच्या 'सरफिरा' सिनेमाचा जबरदस्त ट्रेलर रिलीज झालाय. बातमीवर क्लिक करुन तुम्हीही बघा

अक्षय कुमारची प्रमुख भूमिका असलेल्या 'सरफिरा' सिनेमाची घोषणेपासूनच उत्सुकता आहे. अक्षयच्या या सिनेमाचं पोस्टर आणि त्याचा लूक चर्चेत राहिला. गेल्या अनेक दिवसांपासून 'सरफिरा' च्या ट्रेलरची सर्वजण वाट पाहत होते. अखेर सिनेमाचा ट्रेलर रिलीज झालाय. इमोशन्स आणि प्रेरणादायी प्रसंगांनी भरलेला 'सरफिरा' चा ट्रेलर अंगावर काटा आणणारा आहे. अक्षयचा जबरदस्त अभिनय 'सरफिरा'च्या ट्रेलरमध्ये बघायला मिळतोय. 

'सरफिरा'चा रोमांचक ट्रेलर

अक्षय कुमारच्या आगामी 'सराफिरा' सिनेमामध्ये मोठ्या पडद्यावर एक अनोखी कथा बघायला मिळणार आहे. स्टार्ट-अप्स आणि एअरलाईन्सच्या जगावर आधारित ही प्रेरणादायी कथा आहे. सामान्य माणसाच्या आकांक्षांवर आधारित हा सिनेमा सामाजिक वर्गांमधील दरी कमी करण्याच्या आणि तुमच्या स्वप्नांना सत्यात उतरवण्याच्या भावनेला खरं रूप देतो. 'बेबी', 'एअरलिफ्ट', 'टॉयलेट: एक प्रेम कथा' आणि 'ओएमजी' यांसारख्या सिनेमांतून अक्षयने लाखो लोकांची मने जिंकली आहेत. त्याचा हा नवीन सिनेमा  लोकांच्या हृदयाला नक्कीच स्पर्श करेल. हा सिनेमा Soorarai Pottru या साऊथ सिनेमावर आधारीत आहे. अभिनेता सूर्याने या सिनेमात प्रमुख भूमिका साकारली होती. विशेष म्हणजे 'सरफिरा' मध्ये सूर्याची सुद्धा खास झलक दिसतेय.

सरफिरा सिनेमातले कलाकार

'सरफिरा' सिनेमात अक्षय कुमारसोबत परेश रावल, राधिका मदन, आर. सरथ कुमार आणि सीमा बिस्वास हे कलाकार झळकत आहेत. याशिवाय मराठी अभिनेत्री इरावती हर्षे सिनेमात खास भूमिकेत पाहायला मिळणार आहेत. अक्षय कुमार आणि परेश रावल तब्बल १२ वर्षांनंतर एकत्र येत आहेत.'सराफिरा' चित्रपटाचे दिग्दर्शन सुधा कोंगारा यांनी केलंय. १२ जुलैला 'सरफिरा' थिएटरमध्ये रिलीज होणार आहे.