अक्षय कुमारने इमरान हाश्मीसोबत काढला 'सेल्फी', या कारणामुळे पहिल्यांदाच आले एकत्र

सोशल मीडियावर अक्षय कुमार (Akshay Kumar)ने इमरान हाश्मी(Emraan Hashmi)सोबत काढलेली सेल्फी चर्चेत आली आहे.

धर्मा प्रोडक्शन आणि दक्षिणेतील सुपरस्टार आणि निर्माते पृथ्वीराज सुकुमारन आणि मॅजिक फ्रेम्स, केप ऑफ गुड फिल्म्स सोबत ड्रामा-कॉमेडी चित्रपट सेल्फीची घोषणा केली आहे. हा चित्रपट 'ड्रायव्हिंग लायसन्स' या सुपरहिट मल्याळम चित्रपटाचा रिमेक आहे. या चित्रपटातून अक्षय कुमार (Akshay Kumar) आणि इमरान हाश्मी (Emraan Hashmi) पहिल्यांदाच एकत्र काम करणार आहेत. या चित्रपटाची घोषणा नुकतीच सोशल मीडियावर केली आहे. या चित्रपटाच्या चित्रीकरणाला लवकरच सुरूवात होणार आहे. 

अक्षय आणि इमरान यांना पहिल्यांदाच एकत्र रुपेरी पडद्यावर काम करताना पाहणे कमालीचे ठरणार आहे.  ड्रामा ने भरलेली ही एक अशी अनोख्या पद्धतीने रचलेली कथा असेल जी प्रेक्षकांना उत्सुकतेने आनंददायक ब्रेकवर घेऊन जाईल. राज मेहता दिग्दर्शित आणि स्वर्गीय अरुणा भाटिया, हिरू यश जोहर, सुप्रिया मेनन, करण जोहर, पृथ्वीराज सुकुमारन, अपूर्व मेहता आणि लिस्टिन स्टीफन निर्मित चित्रपट सेल्फी २०२२ मध्ये सिनेमागृहात येणार आहे.
 

याशिवाय अक्षय कुमारने टीझर शेअर केला आहे. यात अक्षय सूट बूटमध्ये रस्त्यावर बँजो वाजवताना दिसतो आहे. तेव्हा इमरान हाश्मी बाइकने एन्ट्री करतो. त्यानंतर दोघे रस्त्यावर धमाकेदार डान्स करतात. डान्सनंतर शेवटी सगळे मिळून सेल्फी क्लिक करतात.

अक्षय कुमारच्या वर्कफ्रंटबद्दल सांगायचे तर त्याचा सूर्यवंशी चित्रपट सुपरहिट ठरला. त्यानंतर तो अतरंगी रे या चित्रपटातही पाहायला मिळाला. पृथ्वीराज चित्रपटात तो मानुषी छिल्लर सोबत दिसणार आहे. याशिवाय राम सेतु, रक्षाबंधन, बच्चन पांडे या चित्रपटातही काम करताना दिसणार आहे.