​अक्षय-शाहरुख येणार आमने सामने?

क�

��ल सलमान खानने शाहरुखच्या आगामी चित्रपटाचा फर्स्ट लूक शेअर करून त्याची रिलीज डेट जाहीर केली. इम्तियाज अली दिग्दर्शित हा निनावी सिनेमा पुढील वर्षी ११ आॅगस्ट रोजी प्रदर्शित होतोय. पण तुम्हाला चांगलेच आठवत असेल काही महिन्यांपूर्वी अक्षयने नीरज पांडेसोबत करत असलेल्या ‘क्रॅक’ चित्रपटाचे पोस्टर शेअर केले होते?

‘रुस्तम’ प्रदर्शित होण्याआधीच अक्षयने ‘क्रॅक’चा फर्स्ट लूक ट्विट केला होता. त्या पोस्टरमध्ये केवळ तडा गेलेला चष्मा होता आणि पुढच्या ‘स्वातंत्र्य दिना’ला रिलीज होणार असे लिहिलेले होते. म्हणजे शाहरुख आणि अक्षयचे चित्रपट ‘इंडिपेंडन्स डे’ला क्लॅश होणार असे दिसतेय.

शाहरुख-अनुष्का स्टारर सिनेमाची अर्ध्यापेक्षा जास्त शूटींग पूर्ण झालेली आहे. सध्या तरी या चित्रपटाचे नाव ठरलेले नाही. ‘द रिंग’ असे त्याचे वर्किंग टायटल ठेवण्यात आले आहे.


_{द रिंग : इम्तियाज अली दिग्दर्शित अद्याप निनावी सिनेमाचा फर्स्ट लूक}

अक्षयने जरी ‘क्रॅक’ इंडिपेंडन्स डेला रिलीज होईल, असे घोषित केले असले तरी त्याची शूटींग अद्याप सुरू झालेले नाही. आणि लवकरच सुरू होण्याची शक्यतासुद्धा कमी आहे.

कारण तो सध्या ‘जॉली एलएलबी २’, ‘रोबोट २.०’ आणि ‘टॉयलेट - एक प्रेम कथा’ अशा तीन चित्रपटांमध्ये व्यस्त आहे. म्हणजे वेळीच शूटींग सुरू नाही झाली तर कदाचित ‘क्रॅक’चे प्रदर्शन पुढे ढकलण्यात येईल आणि हा क्लॅश टळेल.

                                    
                                    _{क्रॅक : नीरज पांडे दिग्दर्शित ‘क्रॅक ’सिनेमाचा फर्स्ट लूक}

जानेवारी महिन्यात किंग खानच्या ‘रईस’समोर हृतिकच्या ‘काबील’चे आव्हान आहे. त्यामुळे जर अक्षयने त्याचा चित्रपट पूर्व नियोजितपणे रिलीज केला तर शाहरुखला त्याच्यासोबतही दोन हात करावे लागतील.

तसे पाहिले तर त्याला अशा ‘बॉक्स आॅफिस वॉर’ दांडगा अनुभव आहे. ‘जब तक है जान वि. सन आॅफ सरदार’, ‘दिलवाले वि. बाजीराव मस्तानी’ अशी त्याची ताजी उदाहरणे आहेत. मग आॅगस्ट महिन्यात कोण बाजी मारेल? तुमचे मत खाली कमेंट बॉक्समध्ये कळवा.