'केबीसी 15' मंचावर प्रेमाने भारावले अमिताभ बच्चन, डोळ्यात आलं पाणी

'कौन बनेगा करोडपती 15' मध्ये अमिताभ यांना वाढदिवसाचं खास सरप्राइज मिळालं. हे खास सरप्राइज पाहून अमिताभ बच्चन यांचे डोळे पाणावले. 

अमिताभ बच्चन यांना बॉलिवूडचे मेगास्टार म्हटलं जातं. आपल्या दमदार अभिनयातून त्यांनी भारतीय चित्रपटसृष्टीवर आपली छाप सोडली आहे. त्याची फॅन फॉलोइंग देशातच नाही तर परदेशातही आहे.  अमिताभ बच्चन यांचा येत्या ११ ऑक्टोबर रोजी ८१ वा वाढदिवस आहे. त्यांच्या वाढदिवसानिमित्त देशभरातील चाहत्यांचा उत्साह हा शिगेला पोहचलाय. 'कौन बनेगा करोडपती 15' मध्ये अमिताभ यांना वाढदिवसाचं खास सरप्राइज मिळालं. हे खास सरप्राइज पाहून अमिताभ बच्चन यांचे डोळे पाणावले. 

View this post on Instagram

A post shared by Sony Entertainment Television (@sonytvofficial)

'कौन बनेगा करोडपती 15'च्या आगामी भागाचा एक प्रोमो सोशल मीडियावर शेअर करण्यात आला आहे. या प्रोमोमध्ये बिग बींना अश्रू अनावर झालेले दिसत आहेत. व्हिडीओमध्ये अमिताभ बच्चन म्हणतात, "आणखी किती रडवणार आहात मला? मी लोकांना टिशू देत असतो, आज मला टिशूची गरज पडली. या मंचावरील माझा वाढदिवस खूप खास असतो". अमिताभ यांच्या डोळ्यात पाणी पाहून प्रेक्षकही भावूक झाले. 

अमिताभ बच्चन यांच्या 81 व्या वाढदिवसानिमित्त अनेक सरप्राईज प्लॅन करण्यात आले आहेत. चिरंजीवीपासून ते विकी कौशल, विद्या बालन, अनुपम खेर, बोमन इराणी आणि आर. माधवनसारख्या स्टार्सने बिग बींना खास शुभेच्छा दिल्या आहेत. 'कौन बनेगा करोडपती 15' च्या मंचावर या सेलिब्रिटींच्या शुभेच्छांचं खास स्क्रिनिंग आयोजित करण्यात आलं आहे. 'कौन बनेगा करोडपती 15' चा हा भाग 11 ऑक्टोबर रोजी प्रसारित होणार आहे. त्याच दिवशी अमिताभ यांचा 81 वा वाढदिवस आहे.