Amitabh Bachchan : अमिताभ बच्चन यांच्या ट्वीटमध्ये 'मोठी चूक'; म्हणाले, माफी मागतो...आले ट्रोलर्सच्या निशाण्यावर
By ऑनलाइन लोकमत | Published: January 9, 2023 12:33 PM2023-01-09T12:33:14+5:302023-01-09T12:34:04+5:30
बिग बी अमिताभ बच्चन हे सोशल मीडियावर कमालीचे सक्रिय असतात. ट्विटरवर तर ते प्रचंड अॅक्टिव्ह असतात.
Amitabh Bachchan : अमिताभ बच्चन यांच्या ट्वीटमध्ये 'मोठी चूक'; म्हणाले, माफी मागतो...आले ट्रोलर्सच्या निशाण्यावर
Next Amitabh Bachchan : बिग बी अमिताभ बच्चन हे सोशल मीडियावर कमालीचे सक्रिय असतात. ट्विटरवर तर ते प्रचंड अॅक्टिव्ह असतात. कोणत्या विशेष दिनाच्या शुभेच्छा देणं असो किंवा कोणता सुविचार असो किंवा एखाद्या सिनेमाचे, कलाकाराचे कौतुक असो ते त्यांचे ट्वीट असतेच. स्वत:चे काही जुने फोटोही ते ट्वीट करत असतात ज्यावर चाहत्यांचे लाईक्स, कमेंट्स सुरु असतात. तर अमिताभ बच्चन या सर्व ट्वीट्सचा रेकॉर्डही ठेवतात. मात्र अनेकदा त्यात चूक होते आणि ती चूक सुधारण्यासाठी ते आणखी एक ट्विट करतात.
महानायक अमिताभ बच्चन यांनी नुकतेच एक ट्वीट केले. त्यांच्या प्रत्येक ट्वीट चा अनुक्रमांक ठरलेला असतो. नवीन ट्वीट करताना ते त्या क्रमांकाप्रमाणेच ट्वीट करतात. मात्र अनेकदा हा क्रमांक वरखाली होतो. नंबर चुकला आहे हे लक्षात आल्यानंतर ते नेहमी पुन्हा एक ट्वीट करत सुधारित नंबर लिहितात. नुकतंच त्यांनी ट्वीट केलं, 'T4515- मोठी चूक, T4514 नंतर माझे पूर्वीचे सर्व ट्वीट नंबर चुकले आहेत. T-5424, 5425, 5426, 5427, 5428,5429, 5430 सगळे चुकीचे आहेत. ते खरं तर T 4515, 4516, 4517, 4518, 4519, 4520, 4521 असे असायला हवे. मी माफी मागतो.
T 4515 - A HORRIBLE ERROR !
— Amitabh Bachchan (@SrBachchan) January 7, 2023
all my T numbers have gone wrong right from the last right one T 4514 ..( this is correct ) .. everything after is wrong ..
T 5424,5425,5426,4527, 5428, 5429, 5430 .. all wrong ..
they should be
T4515,4516,4517,4518,4519 4520,4521
APOLGIES !! 🙏
बिग बींना त्यांची चुक लक्षात येताच त्यांनी माफी मागितली पण नेटकऱ्यांना मात्र हे वाचायचं म्हणजे डोकेदुखीच झाली. यावरुन त्यांनी थेट महानायकालाच ट्रोल केले. 'सर माफी च्या स्पेलिंग मध्येही चूक झाली आहे, ते पण दुरुस्त कराट असे एकाने म्हणले आहे. तर 'तुमची ही चुक लक्षात येईल एवढा वेळ तुम्ही सोडून कोणाकडेच नाही' असं म्हणत बिग बींची खिल्ली उडवली आहे. 'सर आम्ही पण खूप ट्वीट केले पण कधी हिशोब नाही ठेवला' अशी मिश्कील प्रतिक्रिया एकाने दिली आहे.
अमिताभ बच्चन यांचे नुकतेच 'ऊॅंचाई' आणि 'गुडबाय' हे दोन सिनेमे येऊन गेले. दोन्ही सिनेमांना प्रेक्षकांनी चांगला प्रतिसाद दिला. यानंतर ते आता प्रभास आणि दीपिका पदुकोण सोबत 'प्रोजेक्ट के' या चित्रपटात दिसणार आहेत.