​अमिताभ बच्चन यांनी मध्यरात्री केला ‘वेकअप कॉल’ अन् झोपेतून खाडकन जागी झाली टेलिकॉम कंपनी!!

ब�

��लिवूड महानायक अमिताभ बच्चन सध्या ‘ठग्स आॅफ हिंदोस्तान’ आणि ‘१०२ नॉट आऊट’ या चित्रपटात बिझी आहेत. पण काल ‘१०२ नॉट आऊट’च्या एका गाण्याचे रेकॉर्डिंग सुुरू असताना मध्यरात्री अमिताभ प्रचंड अस्वस्थ झालेत. कारण होते,मोबाईलचे नेटवर्क. होय, अमिताभ यांच्या मोबाईलचे नेटवर्क गायब झालेत आणि अमिताभ अस्वस्थ झालेत. याच अवस्थेत त्यांनी एका पाठोपाठ एक असे अनेक ट्विट केलेत. त्याच्या या ट्विटनंतर मात्र सगळीकडे जणू खळबळ माजली.  संबंधित टेलिकॉम कंपनीचे युजर्सही यात सामील झाले आणि सगळ्यांनीच आपआपल्या नेटवर्कसंदर्भातील अडचणींचा पाढा वाचला.
मध्यरात्रीनंतर दीडच्या सुमारास ‘मोबाईल कॅरिअर प्लीज वेक अप, नेटवर्क काम करत नाहीयं,’असे पहिले ट्विट बिग बींनी केले. यानंतर त्यांनी वोडाफोन या नेटवर्क कंपनीला जणू फैलावरचं घेतले. ‘ओए वोडाफोन, सर्व मॅसेज फेल होत आहेत. ४ जी दिसतेय, पण नेटवर्क ठप्प आहे,’ असे अमिताभ यांनी लिहिले. काही वेळानंतर अमिताभ यांचे नेटवर्क सुरळीत झाले आणि त्यांनी सुटकेचा नि:श्वास सोडला. ‘चलो, सुन ली, सुन ली. वोडाफोनने हमारी बात सुन ली. मॅसेज गोर्इंग नाऊ,’ असे शेवटचे ट्विट त्यांनी केले.


ALSO READ : ​रेखा यांचा स्पेशल एपिसोड अन् अमिताभ बच्चन यांचे ट्विट ; याला योगायोग म्हणायचे की आणखी काही?

सध्या अमिताभ ‘१०२ नॉट आऊट’च्या एका गाण्याच्या रेकॉर्डिंगमध्ये बिझी आहेत. प्रकृती ठीक नसूनही बिग बींनी या चित्रपटासाठी आणखी एक गाणे गायले.  ‘१०२ नॉट आऊट’ या चित्रपटात अमिताभ-ऋषी यांची जोडी तब्बल २७ वर्षांनंतर एकत्र दिसणार आहे. ही जोडी अखेरीस ‘अजुबा’ या चित्रपटात एकत्र बघायवास मिळाली होती.   या चित्रपटातील भूमिकेसाठी अमिताभ यांना मेकअपसाठी तीन तास लागायचे. पुढे हे मेकअप उतरवण्यासाठी १ तास लागायचा. त्यामुळे या चित्रपटातील वयोवृद्ध पिता-पुत्राची जोडी पाहण्यास चाहते उत्सूक आहेत. ‘ठग्स आॅफ हिंदोस्तान’मध्ये अमिताभ व आमिर खान ही जोडी पहिल्यांदा एकत्र काम करणार आहे.