अमिताभ बच्चन यांनी शेअर केला चिमुकल्या चाहतीचा व्हिडीओ; तुम्ही बघितला काय?

महानायक अमिताभ बच्चन यांनी काही दिवसांपूर्वीच एक ट्विट करताना त्यामध्ये लिहिले होते की, ट्विटरने त्यांचे फॉलोअर्स कमी केले आहेत. ...

म�

��ानायक अमिताभ बच्चन यांनी काही दिवसांपूर्वीच एक ट्विट करताना त्यामध्ये लिहिले होते की, ट्विटरने त्यांचे फॉलोअर्स कमी केले आहेत. त्यानंतर ते सातत्याने त्यांच्या ट्विट प्रकरणावरून चर्चिले जात आहेत. याचदरम्यान अशीही बातमी समोर आली होती की, त्यांचे ट्विटर अकाउंट हॅक करण्यात आले. मात्र अमिताभ यांनी एक ट्विट करताना हे स्पष्ट केले की, त्यांचे अकाउंट हॅक झाले नाही. असो, महानायकांनी आणखी एक ट्विट केले असून, त्यांच्या फॉलोअर्सकडून तुफान प्रतिसाद मिळत आहे. अमिताभ यांनी त्यांच्या एका चिमुकल्या चाहतीचा व्हिडीओ शेअर केला आहे. व्हिडीओमध्ये ती चिमुकली बोबड्या आवाजात अमिताभ यांचे नाव घेताना दिसते. अमिताभ यांनी शेअर केलेला हा व्हिडीओ आतापर्यंत ११ हजारांपेक्षा अधिक लोकांनी बघितला आहे. व्हिडीओमध्ये या चिमुकलीच्या हातात एक पॅकेट असून, त्यावर अमिताभ यांचा फोटो आहे. हा फोटो बघून ती चाहती तिच्या पप्पांना सांगते की, हे अमित बच्चन आहेत.

अमिताभ बच्चन यांच्या या चिमुकल्या चाहतीचा व्हिडीओ ‘अमिताभ बच्चन एफसी’ नावाच्या एका ट्विटर अकाउंटवर शेअर केला आहे. व्हिडीओच्या कॅप्शनमध्ये त्यांनी लिहिले की, ‘जेव्हा या चिमुकलीने तिच्या घरी अमिताभ बच्चन यांना बघितले... बचपन से लेकर पचपन तक’ अमिताभ बच्चन यांनी हे ट्विट त्यांच्या आॅफिशियल ट्विटर अकाउंटवरून रिट्वीट केले. या रिट्वीटला कॅप्शन देताना महानायकांनी ‘क्यूटनेस’ असे लिहिले. त्याचबरोबर काही स्माइलीही शेअर केल्या. 

दरम्यान, ही मुलगी अमिताभ बच्चन यांची खूप मोठी चाहती असावी असेच दिसते. कारण व्हिडीओमध्ये ती अमिताभ यांचा फोटो बघताच आपल्या पप्पाला अमित बच्चन असे बोबड्या आवाजात सांगते. ग्रीन कलरचा टॉप आणि येलो कलरची पॅण्ट घातलेली ही चिमुकली खूपच क्यूट दिसत आहे. दरम्यान, अमिताभ बच्चन यांच्या ट्विटर अकाउंटवर ३२.९ मिलियन फॉलोवर्स आहेत. 

T 39 - RT @roopaljain24 When little b finds big b @SrBachchan in the house #youngestBigBfan#starstruckat2pic.twitter.com/UVHSmW0Cho .. बच्चपन से लेकर पच्चपन तक ।।