बापरे! अनन्या पांडेला दीपिका पादुकोणची 'ही' गोष्ट आहे चोरायची; सांगितली 'मन की बात'

दीपिका आणि अनन्या पांडे यांनी 'गहराइयां' सिनेमात एकत्र काम केलं आहे.

बॉलिवूड अभिनेत्री अनन्या पांडे (Ananya Panday) सध्या तिच्या चित्रपटांसोबतच तिच्या वैयक्तिक आयुष्यासाठीही खूप चर्चेत असते. अनन्याने इंडस्ट्रीत स्वतःचं वेगळं स्थान निर्माण केलं आहे. आता ती पुन्हा एकदा चर्चेत आली आहे. नुकतेच एका मुलाखतीमध्ये तिने दीपिकाकडून चोरी करायला काय आवडेल, या गोष्टींचा खुलासा केला आहे. 

अनन्या पांडे एका मुलाखतीत दीपिका पादुकोणबद्दल बोलली आहे. ETimes ला दिलेल्या मुलाखतीत अनन्या पांडेला अशी कोणती गोष्ट आहे जी तिला दीपिकाकडून चोरी करायला आवडेल? असा प्रश्न विचारण्यात आला. यावर तिची 'बॉडी' चोरायची असल्याचं सांगितलं. यासोबतच अनन्यानं दीपिकाच्या घरातून क्रॉकरीही चोरायची असल्याचं म्हटलं आहे.  तसेच तिचे  दक्षिण भारतीय खाद्य पदार्थ चोरी करायला आवडतील, असे अनन्यानं सांगितलं. 

अनन्याला घरात वेगवेगळ्या प्रकारची क्रॉकरी ठेवायला आवडते. 2019 मध्ये बॉलीवूडमध्ये डेब्यू करणारी अनन्याने नुकतेच एक नवीन घर देखील घेतले आहे. गेल्या वर्षी अनन्या पांडेचा 'खो गये हम कहाँ' हा चित्रपट प्रदर्शित झाला होता.  अनन्या लवकरच विक्रमादित्य मोटवाने दिग्दर्शित सायबर-थ्रिलर 'कंट्रोल'मध्ये दिसणार आहे. याशिवाय ती 'कॉल माय बे' आणि अक्षय कुमार स्टारर 'शंकारा' या चित्रपटातही दिसणार आहे.