लहानपणापासून अभिनयाचं वेड; ही' चिमुरडी आज आहे बॉलीवुडमधील चुलबुली अभिनेत्री!

बॉलिवूडमधील या चिमुरडीने अनेक चित्रपटांमध्ये काम करुन आपल्या दमदार अभिनयाने इंडस्ट्रीमध्ये वेगळीच ओळख निर्माण केली आहे.

प्रत्येक व्यक्तीसाठी आपलं बालपण खास असतं. आपल्या बालपणीच्या आठवणी प्रत्येकजण जपत असतो. आणि त्या आठवणींना उजाळा देत असतो. मग ते सर्वसामान्य लोक असो किंवा कलाकार. प्रत्येकांना बालपणात रमायला आवडत. आज असाच एक व्हिडीओ तुम्ही पाहात आहात. हा व्हिडीओ आहे बॉलिवूडमधील एका अभिनेत्रीचा. या अभिनेत्रीने चित्रपटसृष्टीत आपली खास ओळख निर्माण केली आहे. ती अभिनयासोबतचा आपल्या लुकसाठी नेहमीच चर्चेत असते. तर ही अभिनेत्री दुसरी कोणी नसून अनन्या पांडे आहे.

 अनन्या जितकी आता क्यूट दिसते तितकीच ती लहानपणी सुद्धा क्यूट दिसायची. अनन्याने तिचा एक क्यूट व्हिडिओ सोशल मीडियावर शेअर केलाय.  अनन्याचा हा व्हिडिओ लहानपणीचा आहे. ज्यात अनन्या पांढऱ्या रंगाच्या टॉप आणि निळ्या जिन्समध्ये एका टेबलावर बसलेली दिसत आहे. ज्यात तिच्या हातात एक साधी बॉटल आहे आणि ती परफ्यूमच्या जाहिरातीसाठी अभिनय करतीय. हा व्हिडीओ अनन्याच्या फॅन्सच्या पसंतीस उतरला आहे. 

View this post on Instagram

A post shared by Ananya 💛💫 (@ananyapanday)

'आखरी पास्ता' या कॅरेक्टरमुळे लोकप्रिय झालेले चंकी पांडेंची लेक अनन्या पांडेने करण जोहरच्या 'स्टुडण्ट ऑफ द इयर २' चित्रपटातून बॉलिवूडमध्ये पदार्पण केलं होतं. त्यानंतर ती 'पति पत्नी और वो' या सिनेमात झळकली होती. हा सिनेमा बॉक्स ऑफिसवर चांगलाच गाजला.  त्यानंतर ती खालीपील, गेहराई आणि लिगर यांसारख्या सिनेमात झळकली.

 आयुषमान खुराना याची मुख्य़ भूमिका असलेला ड्रीम गर्ल २ हा सिनेमा नुकताच प्रदर्शित झाला. या सिनेमात अनन्याने महत्त्वपूर्ण भूमिका साकारली आहे. विशेष म्हणजे या सिनेमाने नुकताच १०० कोटींचा टप्पा पार केलाय. तर तिच्याकडे अनेक चित्रपटांच्या ऑफर्स आहेत. शिवाय, अभिनेता आदित्य रॉय कपूर सोबतच्या रिलेशनशिपमुळेही ती चर्चेत आहे.