मुलगी सोनम कपूरच्या लग्नाच्या दहा दिवस अगोदरच सजला अनिल कपूरचा बंगला, पाहा व्हिडीओ!

सध्या अभिनेत्री सोनम कपूरच्या लग्नाची जय्यत तयारी केली जात असून, दहा दिवस अगोदरच अनिल कपूरचा बंगला सजविण्यात आला आहे.

अ�

��िनेत्री सोनम कपूर दिल्ली येथील उद्योगपती आणि बॉयफ्रेंड आनंद आहुजा याच्यासोबत येत्या ८ मे रोजी लग्नाच्या बंधनात अडकणार आहे. दरम्यान, कपूर परिवाराकडून लग्नाची जय्यत तयारी केली जात असून, अनिल कपूर यांचे घर चहूबाजूने सजविण्यात आले आहे. याबाबतचा एक व्हिडीओ सोशल मीडियावरही व्हायरल होत आहे. ज्यामध्ये सोनमची मम्मी सुनीता कपूर घर सजावटीचे काम बघताना दिसत आहे. शुक्रवारी रात्री बॉलिवूडचे काही सेलेब्सही अनिल कपूरच्या घरी पोहोचले होते. करण जोहर, मोहित मारवाह, मसाबा गुप्ता, फराह खान, अंशुला कपूरसह बॉलिवूडमधील अनेक सेलिब्रिटींनी सोनमच्या घरी हजेरी लावली होती. 
 

रिपोर्ट्सनुसार, सोनमच्या लग्नाचा उत्सव दोन दिवस चालणार आहे. ७ मे रोजी संगीत आणि हळद सेरेमनीचे आयोजन करण्यात आले आहे, तर ८ मे रोजी लग्न सोहळा पार पडणार आहे. सोनम-आनंदचे लग्न तिची मावशी कविता सिंग हिंच्या बांद्रा स्थित हेरिटज हवेली या बंगल्यात लावले जाणार आहे. रिपोर्ट्सनुसार, संगीत सेरेमनी सोनमची बेस्ट फ्रेंड संयुक्ता नायरच्या फाइव्ह स्टार हॉटेलमध्ये होणार आहे. कोरिओग्राफर फराह खान संगीत फंक्शनला कोरिओग्राफ करणार आहे. संगीत समारंभात अनिल कपूर, सुनीता कपूर, करण जोहर, अर्जुन कपूर, रणवीर सिंग, जान्हवी कपूर यांचे स्पेशल डान्स परफॉर्मन्स होणार आहेत. 













रिपोर्ट्सनुसार, सोनमच्या लग्नात तिची लहान बहीण जान्हवी कपूर, मॉम श्रीदेवीच्या दोन गाण्यांवर परफॉर्मन्स करणार आहे. ‘मेरे हाथों मे नौ नौ चुडियां है... आणि किसी के हाथ ना आएगी ये लडकी’ या गाण्यावर जान्हवी थिरकणार आहे. सूत्रानुसार, रणवीर सिंग आणि अर्जुन कपूर ‘माय नेम इज लखन’ या गाण्यावर एक जबरदस्त डान्स सादर करणार आहेत. नुकत्याच एका मुलाखतीत सोनमने सांगितले होते की, मी माझ्या लग्नापेक्षा लग्नाच्या प्लॅनिंगसाठी अधिक एक्सायटेड आहे. सोनमने म्हटले की, लग्नासाठी जास्त पैसा खर्च करण्यापेक्षा सर्व रितीरिवाज पार पाडणे माझ्यासाठी महत्त्वाचे आहे. वृत्तानुसार, सोनमने तिच्या लग्नाचे वेडिंग कार्डही छापले नाहीत.