पुन्हा काम करायला आवडेल! 'सिंघम अगेन'मध्ये झळकलेल्या मराठी अभिनेत्याने मानले रोहित शेट्टीचे आभार

रोहित शेट्टीच्या 'सिंघम अगेन'मध्ये अंकित मोहन खलनायकाच्या भूमिकेत आहे. या सिनेमात त्याने दीपिका पादुकोणसह स्क्रीन शेअर केली आहे. नुकतंच अंकितने या सिनेमाबाबत खास पोस्ट शेअर केली आहे. 

बहुप्रतिक्षित आणि बहुचर्चित 'सिंघम अगेन' सिनेमा अखेर दिवाळीच्या मुहुर्तावर प्रदर्शित झाला. सिंघम ३ नंतर या सिनेमाची चाहत्यांना उत्सुकता होती. रोहित शेट्टीने 'सिंघम अगेन' सिनेमातून पुन्हा एकदा बॉक्स ऑफिसवर अॅक्शनचा धमाका केला. या सिनेमातून रोहितने अख्खं बॉलिवूडच मोठ्या पडद्यावर उतरवलं. अजय देवगण, करीना कपूर, दीपिका पादुकोण, रणवीर सिंग, जॅकी श्रॉफ, अर्जुन कपूर अशी तगडी स्टारकास्ट असलेल्या रोहित शेट्टीच्या सिनेमात अनेक मराठी कलाकारांचीही वर्णी लागली आहे. अशाच कलाकारांपैकी एक म्हणजे अभिनेता अंकित मोहन. 

रोहित शेट्टीच्या 'सिंघम अगेन'मध्ये अंकित मोहन खलनायकाच्या भूमिकेत आहे. या सिनेमात त्याने दीपिका पादुकोणसह स्क्रीन शेअर केली आहे. नुकतंच अंकितने या सिनेमाबाबत खास पोस्ट शेअर केली आहे. 

'सिंघम अगेन'बाबत अंकित मोहनची पोस्ट 

या वंडरफूल चित्रपट आणि ड्रीम टीमचा भाग बनवल्याबद्दल आभारी आहे. 

माझं कास्टिंग केल्यासाठी आणि एक चांगला व्यक्ती असलेल्या @shantanu_bhake पहिल्यांदा थँक्यू म्हणतो. बाकी सगळ्या गोष्टींसाठी @gaurav.shah__asha_films धन्यवाद. 

क्षितीज पटवर्धन आणि टीमने उत्कृष्ट कथा लिहिल्याबद्दल धन्यवाद. भाई तू ग्रेट आहेस. @yunussajawal तुम्ही तर कमाल आहात. 

आणि स्पेशल धन्यवाद  @vidhighodgaonkar. 

या सगळ्या कॉप युनिव्हर्सच्या मागे असलेला आणि या फॅमिलीचा भाग बनवून माझं युनिव्हर्स वंडरफूल बनवलेल्या रोहित शेट्टी सरांना धन्यवाद. 

सगळ्यांना मनापासून धन्यवाद...पुन्हा काम करायला आवडेल. 

अंकित मोहन हा लोकप्रिय अभिनेता आहे. त्याने अनेक मराठी आणि हिंदी सिनेमांमध्ये काम केलं आहे.' महाभारत' या हिंदी टेलिव्हिजन मालिकेत त्याने अश्वत्थामा ही भूमिका साकारली होती. दिग्पाल लांजेकरच्या 'पावनखिंड', 'फत्तेशिकस्त', 'फर्जंद' या सिनेमांमध्ये तो ऐतिहासिक भूमिका साकारताना दिसला.