अनुष्का शर्माच्या ‘परी’च्या टीजरने उडविला थरकाप; तर पोस्टर बघून फुटेल घाम!

अनुष्का शर्मा हिच्या आगामी ‘परी’ या चित्रपटाचा टीजर रिलीज झाल्यानंतर त्याचे नवे पोस्टरही समोर आले आहे. हे पोस्टर खूपच हॉरर आहे.

ल�

��्न केल्यानंतर अभिनेत्री अनुष्का शर्मा पुन्हा एकदा वर्कमोडमध्ये आली आहे. सध्या अनुष्का तिच्या आगामी ‘झीरो’ या चित्रपटाच्या शूटिंगमध्ये व्यस्त आहे. त्याचबरोबर ती तिच्या ‘परी’ या हॉरर चित्रपटाच्या प्रमोशनमध्येही व्यस्त आहे. काल रात्रीच तिने या चित्रपटाचा टीजर रिलीज केला. काही क्षणातच या टीजरला शेकडो चाहत्यांच्या हिटही मिळाल्या. टीजरमध्ये अनुष्काचा अवतार थरकाप उडविणारा आहे. ती खूपच भयानक रूपात दिसत आहे. टीजरमध्ये अनुष्का एकटक कॅमेºयाकडे बघताना दिसत आहे. तिच्या संपूर्ण चेहºयावर रक्त आणि जखमा आहेत. टीजरनंतर आता या चित्रपटाचे नवे पोस्टर रिलीज झाले असून, तेही भयानक आहे. 

एकूणच टीजरने चाहत्यांचा थरकाप उडाला तर पोस्टर बघून अनेकांना घाम फुटला असेल यात शंका नाही. नव्या पोस्टरमध्ये अनुष्का खुर्चीवर बसलेली आहे. तर तिच्या मागे एक आत्मा उभा असल्याचे दिसत आहे. या आत्माचे दोन्ही हात अनुष्काच्या खांद्यावर आहेत. अनुष्काने हे पोस्टर शेअर करताना लिहिले की, ‘होली विथ परी’!



दरम्यान, या चित्रपटात अनुष्काच्या अपोझिट परमब्रता चॅटर्जी बघावयास मिळणार आहे. या अगोदर परमब्रता ‘कहानी’ या चित्रपटात झळकली आहे. या चित्रपटाचे दिग्दर्शन प्रॉसित रॉय यांनी केले असून, हा त्यांचा पहिलाच चित्रपट आहे. एका इव्हेंटदरम्यान अनुष्काने तिच्या या चित्रपटाविषयी बोलताना म्हटले होते की, ‘चांगला चित्रपट निवडताना मी नेहमीच माझ्या मनाचे ऐकले आहे. आमचे दोन्हीही चित्रपटांना (एनएच १० आणि फिल्लोरी) प्रेक्षकांनी पसंत केले आहे.’ 
 

#HoliWithPari@OfficialCSFilms@paramspeak#PrernaaArora#KarneshSharma@kriarj#ArjunNKapoor@poojafilmshttps://t.co/aMePVg992Gpic.twitter.com/lTrXywsWSo— Anushka Sharma (@AnushkaSharma) January 10, 2018

पुढे बोलताना अनुष्काने म्हटले की, परीची कथा खूपच दमदार आहे. प्रेक्षकांना ती अखेरपर्यंत बांधून ठेवणार आहे. मला आनंद होत आहे की, हा चित्रपटाची निर्मिती करताना अन् प्रेक्षकांपर्यंत पोहचविताना मला आनंद होत आहे. या चित्रपटाची निर्मिती अनुष्काच्या होम प्रॉडक्शन अंतर्गत करण्यात आली आहे.