'या' चित्रपटात जमणार अर्जुन कपूर आणि क्रिती सॅननची जोडी

क�

��रिती सॅनन स्टारर बरेली की बर्फी हा चित्रपट नुकताच रिलीज झाला आहे. याचित्रपटात क्रितीसह राजकुमार राव आणि आयुषमान खुराना यांच्या मुख्य भूमिका आहेत. गत शुक्रवारी रिलीज झालेल्या या चित्रपटाने बॉक्स ऑफिसवर आतापर्यंत चांगला गल्ला जमवला आहे. बरेली की बर्फीनंतर क्रिती राज नीदिमोरु आणि कृष्णा डीके यांच्या आगामी चित्रपट फर्जीमध्ये दिसणार आहे. मुंबई मिररच्या रिपोर्टनुसार या चित्रपटात क्रिती अर्जन कपूरसोबत दिसण्याची शक्यता आहे. रिपोर्टनुसार गेल्या एका महिन्यापासून चित्रपटाचे दिग्दर्शक अर्जुन कपूरला जवळपास तीनवेळा भेटले आहेत. चित्रपटाची स्क्रिप्टबाबत अर्जुनशी चर्चा करण्यात आली आहे. मात्र अर्जुनने हा चित्रपट अजून साईन केला नाही आहे पण लवकरच तो हा चित्रपट साईन करणार असल्याचे समजते आहे.सध्या राज आणि डीके त्यांचा आगामी चित्रपट 'अ जेंटलमॅन'च्या प्रमोशनमध्ये व्यस्त आहेत.

ALSO READ : सुशांतसिंग राजपूतसोबतच्या नात्यावर क्रिती सॅननने केला मोठा खुलासा!

या चित्रपटात सिद्धार्थ मल्होत्रा आणि जॅकलिन फर्नांडिस यांची जोडी पाहायला मिळणार आहे. या चित्रपटातील गाणी रिलीज करण्यात आली आहे. ही गाणी आणि चित्रपटाचा ट्रेलर प्रेक्षकांच्या पसंतीस उतरला आहे. यात सिद्धार्थ आणि जॅकलिनीचे अनेक रोमाँटिक सीन्स आहेत. 'अ जेंटलमॅन'च्या प्रमोशननंतर राज आणि डीके फर्जीच्या तयारी लागणार आहेत. गेल्या 4 वर्षांपूर्वीच या चित्रपटाची घोषणा करण्यात आली होती. फर्जीमध्ये अर्जुन आणि क्रितीची जोडी फायनल झाली तर पहिल्यांदाच दोघांची जोडी स्क्रिनवर एकत्र दिसणार आहे. अर्जुनच्या आधी याचित्रपटात मुख्य भूमिकेसाठी शाहिद कपूरच्या नावाचीदेखील चर्चा आहे.