मलायकाची भर कार्यक्रमात अर्जुनने ओढली वेणी, अभिनेत्री संतापली; Video व्हायरल

अर्जुनचा हा चाळा बघून बाजूला बसलेल्या क्रिती सेननलाही हसू अनावर झाले आहे.

बॉलिवूडमधलं नेहमी चर्चेत असणारं कपल अर्जुन कपूर (Arjun Kapoor) आणि मलायका अरोरा (Malaika Arora). आजकाल प्रत्येक अवॉर्ड सोहळ्यात दोघेही हातात हात घालून पोहोचतात. मलायका अर्जुनपेक्षा 12 वर्षांनी मोठी आहे. वयातील अंतरामुळे सतत हे कपल ट्रोल झालं आहे. आता दोघांचा एक व्हिडिओ व्हायरल होतोय ज्यामध्ये अर्जुन चक्क मलायकाचे केस ओढताना दिसतोय. यावरुन नेटकऱ्यांनी त्यांना चांगलंच ट्रोल केलंय.

मलायका अरोरा आणि अर्जुन कपूर यांनी नुकतीच बॉलिवूड हंगामा स्टाईल आयकॉन अवॉर्ड्समध्ये हजेरी लावली. यावेळी दोघेही एकमेकांशी गप्पा मारण्यात व्यस्त दिसत आहेत. याचदरम्यान गपचूप त्यांचा व्हि़डिओ कॅमेऱ्यात कैद झाल्याचं दिसत आहे. मलायकाने वेणी घातली आहे तर अर्जुन तिच्या वेणीशी खेळताना दिसतोय. अर्जुनने गंमतीत तिची वेणी ओढताच मलायका त्याच्यावर थोडी चिडताना स्पष्ट दिसत आहे. अर्जुनचा हा चाळा बघून बाजूला बसलेल्या क्रिती सेननलाही हसू अनावर झाले आहे.

View this post on Instagram

A post shared by Bollywood Hungama🎥 (@realbollywoodhungama)

या व्हिडिओत क्रिती सेनन, सिद्धार्थ मल्होत्रा, अनन्या पांडे आणि आदित्य रॉय कपूर हे सुद्धा दिसत आहे. क्रिती सेनन तिचं हसू थांबवताना दिसते. हा व्हिडिओ पाहून नेटकऱ्यांच्या भन्नाट कमेंट्स येत आहेत. मलायकाला सगळे 'आँटी' अशाच कमेंट करत आहेत. व्हिडिओ जरी अर्जुन आणि मलायकाचा असला तरी लोकांचं लक्ष अनन्या पांडे आणि आदित्य रॉय कपूरकडेच जास्त गेलंय. दोघांची केमिस्ट्री चाहत्यांच्या खूपच पसंतीस पडली आहे.