Aryan Khan: आर्यनसाठी दोन खान एकत्र; शाहरुखला भेटण्यासाठी सलमान खान मन्नतवर
By ऑनलाइन लोकमत | Published: October 3, 2021 11:21 PM2021-10-03T23:21:06+5:302021-10-03T23:23:58+5:30
Salman Khan- Shah Rukh khan meet: आर्यन खानला एनसीबीने अटक केली असून त्याला उद्या पर्यंत कोठडी देण्यात आली आहे. त्याला उद्या पुन्हा कोठडी वाढविण्यासाठी कोर्टात हजर केले जाणार आहे.
Aryan Khan: आर्यनसाठी दोन खान एकत्र; शाहरुखला भेटण्यासाठी सलमान खान मन्नतवर
Next मुंबई-गोवा-मुंबई अशा क्रूझवरील रेव्ह पार्टीवर एनसीबीने छापा टाकून किंग खानच्या मुलाला, आर्यन खानला अटक केली आहे. त्याच्यासोबत अन्य बॉलिवूडशी संबंधीत स्टार किड्स, अभिनेत्रींना अटक करण्यात आली आहे. यामुळे गेल्या वर्षीच्या सुशांत सिंह राजपूत प्रकरणामुळे शांत झालेली ड्रग्जची धूळ पुन्हा उडाली आहे. आर्यनमुळे शाहरुख खान (ShahRukh Khan) अडचणीत सापडला आहे. (Salman Khan visits Mannat to meet up with ShahRukh Khan on Aryan khan Row late night. )
आर्यन खानला एनसीबीने अटक केली असून त्याला उद्या पर्यंत कोठडी देण्यात आली आहे. त्याला उद्या पुन्हा कोठडी वाढविण्यासाठी कोर्टात हजर केले जाणार आहे. त्याच्यासोबत अन्य आठ जणांना कोर्टात हजर केले जाणार आहे. दरम्यान, एनसीबीचे मुंबई संचालक समीर वानखेडे यांनी या ड्रग्ज प्रकरणात राजकीय व्यक्तीचा हात असल्याच्या अफवा असल्याचे सांगतले.
These are just speculations, don't ask me such questions: NCB Mumbai Director Sameer Wankhede on being asked about the involvement of any politician pic.twitter.com/rdQi23yrtd
— ANI (@ANI) October 3, 2021
दरम्यान काही वेळापूर्वीच बॉलिवूडचा दबंग सलमान खान अडचणीत असलेल्या शाहरुख खानला भेटण्यासाठी मन्नतवर गेला आहे. यावेळी सलमान खानने फोटो काढणाऱ्या फोटोग्राफरना मनाई केली. इतरवेळी फोटो काढण्यास नकार न देणाऱ्या सलमानने अशी वागणूक दिल्याने ही भेट त्याला गुप्त ठेवायची होती हे दिसते. परंतू, शाहरुखच्या बंगल्याबाहेर सलमानची गाडी जाताना त्याचा फोटो टिपण्यात आला आहे.