लव्हबर्ड्स अथिया आणि के.एल. राहुलनं भाड्यानं घेतलं लक्झरी घर, महिन्याचं भाडं किती माहितीये?

Athiya Shetty-KL Rahul Rented New Apartment: बॉलिवूड आणि क्रिकेटची पुन्हा एकदा जोडी जमणार आहे. होय, क्रिकेटपटू के. एल. राहुल आणि बॉलिवूड गर्ल अथिया शेट्टी लवकरच लग्नगाठ बांधणार आहेत. तूर्तास आणखी एक वेगळी चर्चा कानावर येतेय.

बॉलिवूड आणि क्रिकेटची पुन्हा एकदा जोडी जमणार आहे. होय, क्रिकेटपटू के. एल. राहुल (K L Rahul )आणि बॉलिवूड गर्ल अथिया शेट्टी (Athiya Shetty) लवकरच लग्नगाठ बांधणार आहेत. यावर्षी डिसेंबरपर्यंत केएल व अथिया लग्न करणार, अशी चर्चा आहे. तूर्तास आणखी एक वेगळी चर्चा कानावर येतेय. लग्नाआधी केएल व अथिया एकत्र राहण्याचा प्लान करत असल्याचं कळतंय. इतकंच नाही तर, यासाठी दोघांनी एक सी-फेसिंग लक्झरी अपार्टमेंट भाड्यानं घेतलं असल्याचंही समजतंय.
‘पिंकविला’ने दिलेल्या वृत्तानुसार,  मुंबईत सी-फेसिंग अपार्टमेंटमध्ये एकत्र राहण्याचा अथिया व केएलचा इरादा आहे. या सी-फेसिंग अपार्टमेंटचं भाडं महिन्याला किमान 10 लाख रूपये असेल. रिपोर्टनुसार, अथिया व केएलच्या लग्नाची तयारी सुरू झाली आहे. दोघंही साऊथ इंडियन स्टाईलने लग्न करणार आहेत. 

अद्याप अथिया व केएल यांनी यावर कुठलीही प्रतिक्रिया दिलेली नाही. एअरपोर्टवर अथियाला याबद्दल विचारलं असता तिने बोलण्यास नकार दिला.
नुकताच के एल राहुलचा वाढदिवस झाला. या दिवसाचं निमित्त साधत अथिया शेट्टीनं के एल राहुलसोबतचे काही रोमॅन्टिक फोटो शेअर केले होते. विशेष म्हणजे, तिच्या या फोटोंवर कमेंट करत के. एल. राहुलनं ह्यलव्ह यूह्ण अशी कमेंट करत प्रेमाची जाहिर कबुलीच दिली होती.

त्याआधी अथियाच्या वाढदिवसाला म्हणजेच, गेल्या 5 नोव्हेंबरला के.एल.राहुलने तिला विश करत, तिच्यासोबतचा सुंदर फोटो पोस्ट केला होता. हॅपी बर्थ डे माय हार्ट, असं लिहित त्यानं अथियाला वाढदिवसाच्या शुभेच्छा दिल्या होत्या. यांनतर दोघेही सतत एकेमकांसोबत सुट्टीचा आनंद घेताना दिसून आले आहेत. आथिया केएलसोबत अनेक सामन्यांसाठी विदेश दौरा करत असते.