श्रद्धा कपूरच्या चाहत्याची अजब मागणी; मला माझ्या डाव्या किडणीवर तुझा आॅटोग्राफ हवाय!

श�

��रद्धा कपूरचा ‘हसीना पारकर’ हा चित्रपट लवकरच रिलीज होतो आहे. या चित्रपटात श्रद्धा कधी नव्हे अशा अवतारात दिसणार आहे.  श्रद्धाचा हा अवतार पाहण्यासाठी प्रेक्षक नक्कीच उत्सूक आहेत. सध्या श्रद्धा या चित्रपटाच्या प्रमोशनमध्ये गुंतली आहे. याच प्रमोशनचा एक भाग म्हणून श्रद्धाने twitter अकाऊंटवर तिच्या चाहत्यांशी संवाद साधला. चाहत्यांच्या अनेक प्रश्नांना तिने मनमोकळी उत्तरे दिलीत. आपल्या लाडक्या अभिनेत्रीसोबत असा थेट संवाद ही चाहत्यांसाठीही पर्वणीच होती. मग काय, चाहते प्रश्न विचारत गेलेत, श्रद्धा त्यांच्या प्रश्नांना उत्तरे देत गेली. पण याचदरम्यान एका चाहत्यामुळे श्रद्धाला  काहीशा अवघडलेल्या स्थितीचा सामना करावा लागला. होय, एका twitter युजर्सने श्रद्धाला तिचा आॅटोग्राफ मागितला. आता तुम्ही म्हणाल, आॅटोग्राफ मागितला त्यात काय गैर? पण थांबा, या श्रद्धाच्या या चाहत्याने नुसता आॅटोग्राफ मागितला नाही तर त्यासाठी एक अटही घातली. ही अट काय? तर त्याला आॅटोग्राफ त्याच्या  किडणीवर हवा होता. होय, माझ्या डाव्या  किडणीवर मला तुझा आॅटोग्राफ हवाय, असे हा चाहता श्रद्धाला म्हणाला. त्याच्या या अजब मागणीने श्रद्धा चांगलीच अवघडली. क्षणभर यावर काय बोलावे, हेच तिला कळेना. या चाहत्याच्या मागणीने तिला धक्काच बसला.   ‘अरे बाप रे, नो...आॅन पेपर प्लीज,’ असे म्हणून तिने कशीबशी वेळ मारून नेली. 

ALSO READ : ​‘हसीना पारकर’चा ‘इंटेन्स’ ट्रेलर आऊट!!

काही चाहत्यांनी मात्र श्रद्धाला बरेच चांगले प्रश्न केलेत. तू डायरेक्टरच्या चेअरवर बसलीस, तर कुणाला डायरेक्ट करायला तुला आवडेल? असे एका चाहत्याने तिला विचारले. यावर मला डॅड शक्ती कपूर यांना डायरेक्ट करायला आवडेल, असे तिने सांगितले. कुण्या अभिनेत्यासोबत काम करण्याचे स्वप्न तू बघते आहेस? यावर तिने हृतिक रोशनचे नाव घेतले.