Bawaal Teaser : प्रेम, इमोशन आणि ड्रामाने परिपूर्ण असा वरुण आणि जान्हवीच्या 'बवाल'चा टीझर

Bawaal Teaser : अभिनेता वरुण धवन आणि अभिनेत्री जान्हवी कपूर अभिनीत बवाल या चित्रपटाचा टीझर नुकताच रिलीज झाला आहे.

अभिनेता वरुण धवन (Varun Dhawan) आणि अभिनेत्री जान्हवी कपूर (Janhavi Kapoor) अभिनीत बवाल (Bawaal Movie) या चित्रपटाचा टीझर नुकताच रिलीज झाला आहे. टीझरच्या सुरुवातीला जान्हवी कपूर आणि वरुण धवन यांच्यातील रोमँटिक केमिस्ट्री पाहायला मिळत आहे. पण, प्रत्येक प्रेमकथेप्रमाणेच त्यातही इमोशन्सचा तडका आहे. दोन्ही स्टार्सची अपूर्ण प्रेम कहाणी, प्रेम, रोमान्स आणि भावना चांगल्या प्रकारे दाखवण्यात आल्या आहेत. या चित्रपटाचे दिग्दर्शन नितेश तिवारी यांनी केले आहे.

निशा (जान्हवी कपूर) आणि अजय (वरूण धवन) यांची प्रेमकथा टीझरमध्ये दाखवण्यात आली आहे. सुरुवातीला वरुण जान्हवीला इम्प्रेस करण्याचा प्रयत्न करतो. यानंतर जान्हवीला समजले की तिने स्वतःचे नाते समजून घेण्यात चूक केली आहे. ती म्हणते, 'माझं नातं समजायला मला खूप वेळ लागला आणि जेव्हा मला सगळं समजलं तेव्हा ते गमावण्याची वेळ आली होती.'

टीझरवर यूजर्सच्या संमिश्र प्रतिक्रिया
टीझरच्या एका सीनमध्ये जान्हवी कपूर वरुण धवनला थापड मारताना दिसत आहे. पहिल्या नजरेत हा चित्रपट एका प्रेमकथेची अनुभूती देतो, पण टीझरमधील एक दृश्य विचलित करतात. टीझरमध्ये, जान्हवी आणि वरुण अनेक विचित्र लोकांसह एका चेंबरमध्ये बंद आहेत, जे भयावह दृश्य आहे. टीझरच्या पार्श्वभूमीला स्लो मोशनमध्ये वाजणारे गाणे खूप छान वाटत आहे. या टीझरवर यूजर्सच्या संमिश्र प्रतिक्रिया येत आहेत. एका यूजरने लिहिले की, 'हा चित्रपट थिएटरमध्ये प्रदर्शित झाला पाहिजे. तो OTT वर रिलीज करणे हा चुकीचा निर्णय आहे. आणखी एका यूजरने लिहिले, 'अब होगा बावल! काय मस्त टीझर. काही लोकांना टीझर आवडला आहे तर काही लोक त्यावर नकारात्मक प्रतिक्रियाही देत ​​आहेत.

View this post on Instagram

A post shared by prime video IN (@primevideoin)

चित्रपटाचा टीझर अॅमेझॉन प्राइम व्हिडिओच्या इंस्टाग्राम अकाउंटवरून शेअर करण्यात आला आहे. हा चित्रपट थिएटरमध्ये प्रदर्शित करण्याची तयारी सुरू होती. पण, आता तो ओटीटीवर प्रदर्शित होत आहे. साजिद नाडियादवाला यांनी त्याची निर्मिती केली आहे. हा चित्रपट २१ जुलै रोजी अॅमेझॉन प्राइम व्हिडिओवर प्रदर्शित होईल.