IPL ऑक्शनमध्ये शाहरुखवर आली तोंड लपवायची वेळ?; फोटो होतोय व्हायरल

Shahrukh khan: काही दिवसांपूर्वीच ड्रग्स पार्टी केल्याप्रकरणी शाहरुखचा लेक आर्यन खान याला अटक करण्यात आली होती. तेव्हापासून शाहरुख सातत्याने त्याच्या वैयक्तिक आयुष्यामुळे चर्चेत येत आहे.

बॉलिवूड अभिनेता शाहरुख खान (Shahrukh khan) गेल्या कित्येक दिवसांपासून त्याच्या प्रोफेशनल लाइफपेक्षा पर्सनल लाइफमुळे चर्चेत येत आहे.  काही दिवसांपूर्वीच ड्रग्स पार्टी केल्याप्रकरणी शाहरुखचा लेक आर्यन खान याला अटक करण्यात आली होती. तेव्हापासून शाहरुख सातत्याने त्याच्या वैयक्तिक आयुष्यामुळे चर्चेत येत आहे. यामध्येच सध्या त्याचा एक फोटो व्हायरल होत आहे. या फोटोमध्ये तो चेहरा लपवत असल्याचं पाहायला मिळत आहे. त्यामुळे शाहरुखवर तोंड लपवायची वेळ का आली असा प्रश्न नेटकऱ्यांना पडला आहे.

काही दिवसापूर्वी शाहरुखने दिवंगत गायिका लता मंगेशकर यांच्या अंत्यदर्शनावेळीही चेहरा झाकायचा प्रयत्न केला होता. तोच प्रयत्न त्याने यावेळी आयपीएल ऑक्शनमध्ये केला. त्यामुळे कॅमेरा पाहिल्यावर शाहरुख चेहरा का झाकतो हा प्रश्न साऱ्यांना पडला आहे. मात्र, या प्रश्नाचं उत्तर समोर आलं आहे.

सगळ्यांसमोर या कारणामुळे लपवतोय शाहरुख चेहरा

सध्या सोशल मीडियावर व्हायरल होत असलेल्या फोटोमध्ये शाहरुख वारंवार त्याचा चेहरा झाकायचा प्रयत्न करत आहे. मात्र, कोणत्याही मोठ्या कारणामुळे नव्हे तर त्याच्या आगामी चित्रपटामुळे तो असं करत असल्याचं सांगण्यात येतंय. शाहरुख लवकरच एका नव्या प्रोजेक्टमध्ये झळकणार आहे. त्यामुळे या चित्रपटातील त्याचा लूक आधीच रिव्हिल होऊ नये यासाठी तो चेहरा झाकत आहे. या फोटोमध्ये त्याचे केस वाढले असून दाढीदेखील वाढल्याचं पाहायला मिळत आहे.

दरम्यान, व्हायरल होत असलेला फोटो जुना असल्याचं सांगण्यात येत आहे. शाहरुख लवकरच 'पठाण' या चित्रपटातून प्रेक्षकांच्या भेटीला येणार आहे. अलिकडेच तो या चित्रपटाच्या शुटिंगमध्ये व्यस्त होता. याच चित्रपटातील त्याचा हा लूक असल्याचं म्हटलं जात आहे.