‘चलो बुलावा आया है...’फेम भजन सम्राट नरेंद्र चंचल यांचे निधन

दोन महिन्यांपासून त्यांच्यावर उपचार सुरु होते. आज त्यांची प्राणज्योत मालवली.

ठळक मुद्देबॉबी सिनेमानंतर नरेंद्र चंचल यांनी  बेनाम आणि रोटी कपडा और मकान या सिनेमांसाठी गाणी गायली.  

‘चलो बुलावा आया है...’ या लोकप्रिय गीताचे गायक आणि भजन सम्राट नरेंद्र चंचल यांचे आज  दीर्घआजाराने निधन झाले आहे. ते ८० वर्षांचे होते. दिल्लीच्या अपोलो रूग्णालयात आज दुपारी त्यांनी अखेरचा श्वास घेतला. 

वृद्धापकाळामुळे आलेल्या अशक्तपणामुळे त्यांना अपोलो रूग्णालयात भरती करण्यात आले होते. दोन महिन्यांपासून या रूग्णालयात त्यांच्यावर उपचार सुरु होते. आज त्यांची प्राणज्योत मालवली. गायक दलेर मेहेंदी यांनी सोशल मीडिया पोस्टद्वारे नरेंद्र चंचल यांचे निधन झाल्याची माहिती दिली आहे.

Deeply saddened to learn that iconic and most loved #NarendraChanchal ji has left us for the heavenly abode. In prayers for his soul to rest in peace. Heartfelt condolences to his family and legions of fans. 🙏 pic.twitter.com/zXEBN07MbM

— Daler Mehndi (@dalermehndi) January 22, 2021

त्यांच्या निधनावर कलाविश्वातील अनेक दिग्गजांनी दु:ख व्यक्त केले आहे. पंतप्रधान नरेंद्र मोदी यांनीही नरेंद्र चंचल यांच्या निधनावर शोक व्यक्त केला आहे. लोकप्रिय भजन सम्राट नरेंद्र चंचल यांच्या निधनाचे वृत्त ऐकून दु:ख झाले. या दु:खात त्यांचे कुटुंब व चाहत्यांप्रती मी संवेदना व्यक्त करतो, असे ट्विट त्यांनी केले आहे.

लोकप्रिय भजन गायक नरेंद्र चंचल जी के निधन के समाचार से अत्यंत दुख हुआ है। उन्होंने भजन गायन की दुनिया में अपनी ओजपूर्ण आवाज से विशिष्ट पहचान बनाई। शोक की इस घड़ी में मेरी संवेदनाएं उनके परिजनों और प्रशंसकों के साथ हैं। ओम् शांति!

— Narendra Modi (@narendramodi) January 22, 2021

16  ऑक्टोबर 1940 साली अमृतसरच्या नमक हांडी येथे जन्मलेल्या नरेंद्र चंचल यांना अनेक संघर्षानंतर बॉलिवूडमध्ये काम मिळाले होते. बॉबी, बेनाम, रोटी कपडा और मकान या सिनेमांसाठीही त्यांनी गाणी गायली होती.
‘बॉबी’ चित्रपटातील ‘बेशक मंदिर मस्जिद तोडो’ हे त्यांनी गायलेले गाणे प्रचंड लोकप्रिय झाले होते. यासाठी नरेंद्र चंचल यांना फिल्मफेअर बेस्ट मेल प्लेबॅक पुरस्कार सुद्धा मिळाला होता.  पण त्यांना खरी ओळख दिली ती ‘चलो बुलावा आया है’ या ‘अवतार‘ या चित्रपटातील गाण्याने.
बॉबी सिनेमानंतर नरेंद्र चंचल यांनी  बेनाम आणि रोटी कपडा और मकान या सिनेमांसाठी गाणी गायली.  मोहम्मद रफी यांच्यासोबत 1980 मध्ये ‘तूने मुझे बुलाया शेरा वालिए’ हे त्यांनी गायलेले गाणेही लोकप्रिय झाले होते.
 नरेंद्र चंचल वैष्णोदेवीचे खूप मोठे भक्त होते. दरवर्षी न चुकता 29 डिसेंबरला ते वैष्णोदेवीला जात आणि वर्षाच्या अखेरच्या दिवशी परफॉर्मही करत.