Bholaa Teaser: जब वो माथे पर भस्म लगाता है ना..., पाहा, अजय देवगणच्या ‘भोला’चा ‘तुफानी’ टीझर

Bholaa Official Teaser out : अजय देवगणचा सॉलिड लुक, दमदार अ‍ॅक्शन, जबरदस्त बॅकग्राऊंड म्युझिक... हा टीझर खिळवून ठेवतो...

Bholaa Official Teaser out : एकीकडे अजय देवगणचा ( Ajay Devgn ) ‘दृश्यम 2’ बॉक्स ऑफिसवर धुमाकूळ घालतोय, दुसरीकडे त्याच्या ‘भोला’ (Bholaa ) या आगामी सिनेमानं प्रेक्षकांची उत्सुकता शिगेला पोहोचली आहे. काल अजयने ‘भोला’चं मोशन पोस्टर रिलीज केलं होतं. आज या सिनेमाचा टीझर रिलीज झालाये. प्रेक्षकांची उत्सुकता वाढेल, असं सगळं काही या टीझरमध्ये आहे. अजय देवगणचा सॉलिड लुक, दमदार अ‍ॅक्शन, जबरदस्त बॅकग्राऊंड म्युझिक असं सगळं काही अनुभवताना हा टीझर खिळवून ठेवतो.

टीझरची सुरूवात होते ती अनाथालयातील ज्योती नावाच्या मुलीपासून. सकाळी तिला कुणीतरी भेटायला येणार असतं. यानंतर एक आवाज ऐकू येतो. तुरुंगात बसलेली एक व्यक्ती भगवद्गीता वाचत बसलेली दिसते. ही व्यक्ती कोण तर अजय देवगण... कौन है...कहां से आया है किसी को पता नही.. और जिसे पता था वो बचा नहीं... उसके जेल से बाहर निकलने का टाइम आ चुका है..., हे शब्द अजय देवगणच्या कॅरेक्टरबद्दल कुतूहल निर्माण करतात.

टीझरमध्ये अजय देवगणचा चेहरा दाखवलेला नाही. पण जेलमधून निघणारी ती पाठमोरी व्यक्ती अजय देवगण आहे, हे लक्षात यायला वेळ लागत नाही. जब वो माथे पर भस्म लगाता है ना, तो जाने कितनो को भस्म कर देता है... असा एक आवाज ऐकायला मिळतो. यावर उसका नाम क्या है, असं दुसरा विचारतो. यावर नाम बताया तो तू पैरों पे गिर जाएगा..., असं उत्तर त्याला मिळतं. ‘भोला’च्या टीझरमध्ये जबरदस्त अ‍ॅक्शन पाहायला मिळते. त्याची झलक टीझरमध्ये दिसते. 

View this post on Instagram

A post shared by Ajay Devgn (@ajaydevgn)

‘भोला’ हा सिनेमा ‘कॅथी’ या तामिळ सिनेमाचा हिंदी रिमेक आहे. ओरिजनल सिनेमात साऊथ स्टार कार्थी लीड रोलमध्ये होता. ‘भोला’मध्ये अजय देवगण लीड रोलमध्ये आहे. त्याच्यासोबत तब्बू, संजय मिश्रा व दीपक डोबरियाल मुख्य भूमिकेत दिसणार आहेत. ‘कॅथी’ एक कल्ट क्लासिक सिनेमा आहे. अजय देवगण  हिंदी प्रेक्षकांसाठी हा सिनेमा 3 डीमध्ये घेऊन येतोय. 30 मार्च 2023 रोजी हा सिनेमा रिलीज होणार आहे.