Bigg Boss 16 : सलमान खानला करायचीय कतरिना कैफच्या नवऱ्याची जासूसी, त्यावर अभिनेत्रीनं दिली ही रिअ‍ॅक्शन

Bigg Boss 16 : कतरिना कैफने आगामी चित्रपट 'भूत फोन'च्या प्रमोशनसाठी 'बिग बॉस १६'मध्ये हजेरी लावली होती.

बॉलिवूड अभिनेता सलमान खान(Salman Khan)च्या रिअ‍ॅलिटी शो 'बिग बॉस'मध्ये त्यांच्या चित्रपटांचे प्रमोशन करण्यासाठी सेलिब्रिटी येत असतात. शनिवारच्या एपिसोडमध्ये, कतरिना कैफ (Katrina Kaif), सिद्धांत चतुर्वेदी (Siddhant Chaturvedi) आणि ईशान खट्टर (Ishaan Khattar) देखील त्यांचा आगामी 'फोन भूत' चित्रपटाच्या प्रमोशनसाठी येणार आहेत. त्याचवेळी 'बिग बॉस १६' (Bigg Boss 16) च्या 'शनिवार का वार'चा प्रोमोही चांगलाच व्हायरल होत आहे. व्हिडिओमध्ये सलमान आणि कतरिना खूप मस्ती करताना दिसत आहेत. दुसरीकडे सलमान कतरिनाला सांगतो की, जर तो एखाद्या दिवशी भूत बनला तर त्याला तिचा नवरा विकी कौशलची हेरगिरी करायला आवडेल.

सोशल मीडियावर शेअर केलेल्या बिग बॉस १६च्या प्रोमो क्लिपमध्ये कतरिना कैफ सलमानला विचारताना दिसत आहे की जर तो भूत झाला तर त्याला कोणाची हेरगिरी करायला आवडेल. यावर सलमान खान उत्तर देतो की, एक व्यक्ती आहे, त्याचे नाव विकी कौशल आहे. प्रेमळ, काळजी घेणारा, की धाडसी? त्याच्याबद्दल बोलतोय, तुम्ही लाजत आहात. मला त्याची हेरगिरी करायची आहे.

View this post on Instagram

A post shared by ColorsTV (@colorstv)

व्हिडिओमध्ये कतरिना सलमानला तिच्या ‘टिप टिप बरसा पानी’ गाण्याच्या स्टेप्स शिकवताना दिसत आहे. त्याचवेळी ईशान आणि सिद्धांत त्यांच्या चित्रपटातील ‘काली तेरी गुट’ या गाण्यावर सलमानसोबत डान्सही करतात. गुरमीत सिंग दिग्दर्शित 'फोन भूत' या चित्रपटाचे शूटिंग उदयपूर आणि मध बेटासह भारतातील विविध ठिकाणी करण्यात आले आहे. या चित्रपटात कतरिना भूताची भूमिका साकारत आहे. चित्रपटात, दोन भूत बस्टर्स, ईशान आणि सिद्धांत चतुर्वेदी भूतांना मारण्याच्या आणि लोकांना मदत करण्याच्या मोहिमेवर आहेत.

View this post on Instagram

A post shared by ColorsTV (@colorstv)

कतरिना आणि सलमानने अनेक चित्रपटांमध्ये एकत्र काम केले आहे आणि अनेक वर्षांपूर्वी त्यांच्या डेटींगच्याही अफवा पसरल्या होत्या, परंतु गेल्या वर्षीच कतरिनाने विकी कौशलसोबत लग्न केले. सध्या विकी आणि कतरिना त्यांच्या वैवाहिक जीवनाचा आनंद घेत आहेत. ते अनेकदा त्यांचे फोटो सोशल मीडियावर शेअर करतात, त्यांच्या या फोटोंना चाहत्यांची पसंती मिळताना दिसते.